Mocioni, Ldkvirusi fillon shkatërimin e Kosovës!

Nuk është më ëndërr, nisma e Isa Mustafës në krye të LDK-së në kohën e pandemisë së koronavirusit filloi të bëhet realitet. Isa Mustafa iu rikthye aleatit, Hashim Thaçi,për ta rrëzuar Albin Kurtin nga posti i Kryeministrit dhe me “shqiptarët e ndershëm” për ti dhënë sërish goditje të fortë Kosovës si në vitin 1989, në shërbim të Serbisë.

Sot bota po lufton me koronavirusin, dhe Kosova përveç se me këtë armik të padukshëm edhe me ldkvirus i cili me shpikësin e tij Isa Mustafa, po i bënë një shërbim të madh Serbisë dhe një dëm të parikuperueshëm shëndetit të qytetarëve të Kosovës, për të cilët çdo sekondë është e rëndësishme.

Argumentat e LDK dhe PDK, janë po ata të vitit 1946 kur u bë nul Konferenca e Bujanit dhe bashkimi me Shqipërinë; Argumentat e sotëm janë po ata të vitit 1989 kur u bë nul Kosova si njësi Kushtetuese e Jugosllavisë dhe u kthye nën Republikën e Serbisë.

Në fund pas këtyre argumentave të shqiptarëve të ndershëm, pritet dhe votimi i mocionit për shkarkimin e Albin Kurtit dhe Qeverisë së tij.

Shefi i Grupit Parlamentar të Lidhjes Demokratike të Kosovës, Arben Gashi ka ftuar deputetët e Kuvendit të Kosovës që të votojnë mocionin e mosbesimit për rrëzimin e qeverisë Kurti. Kështu sipas tij, do të hapet rruga për formimin e një qeverie stabile.

(E plotësuar) Gashi në seancën e jashtëzakonshme me të vetmen pikë të rendit të ditës, rrëzimin e qeverisë, tha se pas një periudhe të gjatë të mos veprimit të kryeministrit për heqjen e tarifës, ka bërë që të ketë sanksione nga Shtetet e Bashkuara të Amerikës.

Kështu sipas tij, vetë kryeministri Albin Kurti ka zgjedhur që të prish marrëveshjen e koalicionit, kur shkarkoi ministrin Agim Veliu pa një diskutim me kryetarin e Lidhjes Demokratike të Kosovës.

“Arsyetimi që kryemin istri dha më pastaj pas aktit të shkarkimit dhe jo para tij, ishin se ministri i Punëve të Brendshme paska deklaruar që gjendja e jashtëzakonshme është mjet i duhur për të luftuar pandeminë. Kryeministri i cili është në betejë me presidentin për protagonizëm, dhe supermaci në këtë kafazin e vogël të politikës së Kosovës, dhe i shtyer edhe nga paranoja, nga frika, dhe paaftësia themelore për të menaxhuar me situatat e vështira politike dhe të sigurisë ka vendosur që të rrënojë bazën politike të qeverisë së tij. Duke hequr dorë kështu në mënyrë indirekte nga përgjegjësia për të qeverisur”, tha ai.

Sipas Gashit, në këtë situatë pandemike, kryeministri dhe presidenti kanë vendosur ta luftojnë njëri-tjetrin. Kjo sjellje si e quajti ai “primitive”, ka shkuar deri atë sa që të dy këta kanë keqpërdorur detyrat zyrtare.

Në këtë luftë, Gashi tha se kryeministri ka vendosur që të shkel një marrëves hje koalicioni, duke shkarkuar ministrin Veliu.

Ai ka prezantuar edhe mocionin e rrëzimit të qeverisë Kurti.

“Në bazë të rregullores, në bazë të Kushtetutës neni 100, paragrafi 1 dhe mbështetur të rregullores së punës së Kuvendit, prezantojmë mocion mosbesimi ndaj Qeverisë së Kosovës. Arsyetimi: Qeveria e e Republikës së Kosovës erdhi në pushtet me besimin për ndryshim për një momentum të ri, në aspekt të zhvillimit ekonomik të vendit, sundimit të ligjit, luftës kundër korrupsionit dhe konsolidimit të subjektivitet ndërkombëtarë. Ndërsa kryeministri Kurti në më pak se 50 ditë pune përmes mos veprimit dhe pozicionimit jo konstruktiv në raport me partnerët strategjik në përgjithësi me ShBA-të, ka pamundësuar funksionimin e qeverisë”, ka shtuar Gashi.

Qëndrim et e Kurtit, sipas tij kanë rrezikuar që të tërhiqen trupat amerikane për çka do të rrezikohet siguria në vend. Shefi i Grupit Parlamentar të Lidhjes Demokratike të Kosovës, mes tjerash tha se qeveria Kurti ka krijuar krizë të brendshme politike në vend, në kohën edhe kur ka nevojë për unitet.

Nënkryetari i Kuvendit të Kosovës nga radhët e PDK-së, Memli Krasniqi, tha se seanca për votëbesimit të Qeverisë ka ardhur pas vetë-dorëzimit të kryeministrit Albin Kurti dhe Qeverisë përballë sfidave që ka vendi ynë.

“Pra, nuk mund të kishte një fund tjetër një Qeveri dhe një Kryeministër, që për një kohë kaq të shkurtër e rrezikuan skajshmërisht aleancat më jetike për Kosovën, që dështuan të ofrojnë një program zhvillimi për pritjet e qytetarëve dhe që krijuan aq shumë kundërthënie brenda vetes për një periudhë të shkurtër”, tha Krasniqi, duke konfirmuar se PDK do ta votojë rrëzimin e Qeverisë.

“Partia Demokratike e Kosovës do të votojë pro mocionit të mosbesimit, jo vetëm sepse është në krye të opozitës dhe përshkrimi i natyrshëm i punës së çdo opozite të një vendi demokratik është që t’ia shkurtoj sa më shumë jetën qeverisë, por edhe sepse me të vërtetë kjo ka qenë qeveria më e paaftë e historisë së demokracisë së Kosovës dhe meriton të ikë sa më shpejtë”, tha Krasniqi.

Deklarata e plotë e nënkryetarit Memli Krasniqi:

Të nderuar qytetarë,

Që në zanafillën e vetë, koalicioni qeverisës ndërmjet LVV-së dhe LDK-së e ka dëshmuar papërgjegjësinë ndaj vendit dhe paaftësinë për të qeverisur në mënyrë normale, filimisht me vonesën e tejzgjatur prej 119 ditëve për ta formuar qeverinë, duke e mbajtur të paralizuar jetën institucionale të shtetit dhe duke e penguar rrjedhën normale të zhvillimit në vend. Kjo zvarritje ishte edhe dëshmia e parë e mashtrimit të drejtëpërdrejtë që këto dy parti i bënë elektoratit të tyre pasi i kishin premtuar qeveri brenda 72 orësh mbi baza parimore, ndërsa u katandisën në katër muaj vonesë dhe në një pazar joparimor për poste dhe pushtet.

Ky kryeministër e kjo qeveri nuk meritojnë të qeverisë Republikën e Kosovës, sepse që në orët e para të marrëveshjes filluan të nëpërkëmbin ligjet dhe institucionet e shtetit, duke bërë një thirrje klandestine dhe pa paralajmërim të seancës për ta zgjedhur pa praninë e opozitës Kryetaren e re të Kuvendit të Kosovës. Kjo fyerje e institucionit më të lartë në vend u shndërrua në traditë prej kësaj shumice aktuale, nëpërmjet edhe të kontrabandimit me procedurë të përshpejtuar të buxhetit të qeverisë para pak ditësh, në një seancë tjetër që sërish përjashtoi opozitën nga procesi.

Në kohën më të ndjeshme për Kosovës, Qeveria në vend se të rimëkëmbte marrëdhëniet e lënduara me SHBA-të, ajo përkundrazi nxiti dhe orkestroi një frymë anti-amerikane përmes neglizhimit të qëllimshëm të rekomandimeve amerikane dhe përmes diskursit kundërshtues e perçarës ndaj SHBA-ve, përmes militantëve partiakë.

Kjo edhe solli sanksionimet formale nga aleati ynë më i rëndësishëm, si në rastin e pezullimit të fondeve prej 200 milionë eurosh nga projektet e Korporatës së Sfidave të Mijëvjecarit. Njejtë, kjo qasje e Kryeministrit bëri që një kompani amerikane të tërhiqet nga investimi më i madh në historinë e Kosovës, duke rrezikuar kështu sigurinë energjetike të vendit tonë dhe duke humbur me mijëra vende pune.

Në anën tjetër, si qytetarë dhe si shtet, jemi duke u përballë me situatën më të rëndë që nga paslufta, me pandeminë globale të virusit COVID-19.

Gjatë këtyre ditëve, të gjithë ne kemi pasë nevojë për kujdesin e shtuar të Qeverisë dhe të institucioneve përgjegjëse, për t’u dhënë më shumë siguri dhe shpresë qytetarëve tanë se kjo sfidë e rëndë do të kalojë dhe se shteti do të ketë në fokus prioritar interesin dhe nevojat e qytetarëve.

Dhe cka morem si përgjigje në vend të kësaj?  

Në kulmin e izolimit dhe bllokimit të jetës së qytetarëve, Qeveria e krijoi një krizë të re! Thua se nuk mjaftonte kriza kaq e rëndë, partnerët e koalicionit qeverisës krijuan krizë mbi krizë, që vetëm mund të shtojë pasigurinë edhe më shumë.

Në kohën e një ankthi kolektiv të ballafaqimit me pandeminë, kur familjet tona janë të shqetësuara për fatin e secilit, të humbet arsyeja dhe të krijohet krizë për hesape personale dhe partiake, është më tepër se papërgjegjësi institucionale.

Në kohën kur shumica e qytetarëve janë të ngujuar nëpër shtëpi, kur kemi komuna e fshatra të tëra në karantinë, në vend se të punohet për t’iu ardhur në ndihmë atyre, Kryeministri dhe partneri i tij gjetën kohë për të qëruar hesape politike.

Të nderuar deputetë,

Sot, me të drejtë, çdo qytetar i Republikës së Kosovës është i revoltuar me politikën.

Kur e kërkojmë besimin e qytetarëve në zgjedhje, ne e marrim atë për të udhëhequr edhe kur është kohë krize dhe jo vetëm kur është lehtë. Dhe në kohë krizash, përgjegjësia e politikanëve nuk duhet të jetë vetëm partiake. E sidomos jo e atyre që udhëheqin me vendin.

Por, pikërisht në ktë kohë pasigurie, partnerët e koalicionit qeverisës po e rrëzojnë Qeverinë. Pra, nuk është opozita, por vet Qeveria ajo që po e rrëzon vetveten.

Partia Demokratike e Kosovës nuk e ka ndihmuar dhe as nuk e ka shkaktuar, me asnjë veprim, këtë situatë.

Faji dhe përgjegjësia është krejtësisht vetëm e këtij koalicioni qeverisës.

Kjo ikje nga përgjegjësia, institucionale dhe morale, dhe ky vet-dorëzim i Kryeministrit, duke provokuar vet me veprimet e tij mocionin e mosbesimit, është i padenjë. Sepse, po ndodh pikërisht në kohën kur do të duhej të punonte për unitet e bashkëpunim dhe jo për përçarje e ndasi.

Andaj, ai vetë po ia vulos vetes fatin e tij politik si Kryeministër, bashkë me partnerin e tij, me të cilët premtuan aq shumë e bënë shumë pak për gati dy muaj qeverisje.  

Ky është akti i vetë-dorëzimit të Kryeministrit dhe Qeverisë së tij, pa dallim partiak, përballë sfidave që ka vendi ynë.

Pra, nuk mund të kishte një fund tjetër një Qeveri dhe një Kryeministër, që për një kohë kaq të shkurtër e rrezikuan skajshmërisht aleancat më jetike për Kosovën, që dështuan të ofrojnë një program zhvillimi për pritjet e qytetarëve dhe që krijuan aq shumë kundërthënie brenda vetes për një periudhë të shkurtër.

Partia Demokratike e Kosovës do të votojë pro mocionit të mosbesimit, jo vetëm sepse është në krye të opozitës dhe përshkrimi i natyrshëm i punës së çdo opozite të një vendi demokratik është që t’ia shkurtoj sa më shumë jetën qeverisë, por edhe sepse me të vërtetë kjo ka qenë qeveria më e paaftë e historisë së demokracisë së Kosovës dhe meriton të ikë sa më shpejtë.

Shefi i Grupit Parlamentar të Aleancës për Ardhmërinë e Kosovës, Daut Haradinaj, tha se që nga fillimi është ditur se qeveria Kurti nuk do të ketë jetëgjatësi. Për këtë Haradinaj shprehu besimin se sot do t’i merret mandati qeverisë në koalicion mes LVV-së e LDK-së.

Ai në seancën e jashtëzakonshme për votimin e mosbesimit të iniciuar nga Lidhja Demokratike e Kosovës, tha se me të drejtë po mbahet kjo seancë, pasi sipas tij kryeministri ka vepruar si të kishte fituar 70 për qind të votave në zgjedhjet e mbajtura me 6 tetor.

“Që nga fillimi i kemi dhënë përkrahje këtij mocioni për disa arsye që i kemi bërë publike. Më e rënda ka qenë diskriminimi buxhetor i zonave të caktuara, ku pa mëshirshëm janë sakatuar proj ektet më vitale të asaj zone. Heqja e taksës pa asnjë profit për Republikën e Kosovës, krijimi i tregut për Serbinë, dhe mos negocimi i saj me ShBA-të por thjesht ndoshta edhe mos negocimi edhe me aleatët dhe partnerët e koalicionit por njëanshëm në konferencë shtypi e largoi taksën, dhe kjo natyrisht se qeverinë e kaluara, pikërisht kjo taksë e ka quar në shtëpi. Disa po thonë që e ndalin ndarjen e Kosovës, e nëse taksa e ka ndal, pse u heq tash, a ka kaluar rreziku tash a ku jemi”, tha ai.

Shkarkimi i shtyllës kryesore, siç e quajti ai, të ministrit Agim Veliu, tha se ka qenë sinjal që qeveria po vetërrëzohet me planifikim.

“Nuk patën guxim të aplikojnë në INTERPOL, e heki taksën pa asnjë kriter, ku Serbia vazhdon avazin e vjetër, duke e sulmuar Kosovën. Po mundohen tash në këtë rrethanë të vështirë për Koso vën, ku dihet se virusi COVID veç ka filluar me marrë jetën e njerëzve, por nuk është justifikuar. Kjo qeveri fatkeqësisht në kohën më të keqe po shkon, po sot 50 ditë u bën dhe unë nuk e di që për çfarë lajmi të mirë kemi me mbajt mend”, shtoi Haradinaj.

Seanca e jashtëzakonshme e cila po mbahet sot, ka vetëm një pikë të rendit të ditës, atë të votimit të mocionit të mosbesimit të nënshkruar nga 46 deputetë. 

Në fund, Shefi i Grupit Parlamentar të Lëvizjes Vetëvendosje, Rexhep Selimi, respektoi procedurën dhe shprehu mendimin e subjetkti të tij sepse me parafolësit nuk kishte lidhje, ata mbronin interesat e Serbisë.

Në fjalën e tij në seancën për mosbesim deklaroi se sot kundërshtarët politikë të tyre kanë bërë aleat me virusin COVID-19 për të luftuar Qeverinë e Kosovës.

(E plotësuar) Selimi tha se LDK bashkë me aleatët e vjetër po kërkojnë mocion mosbesimi në kohën më të vështirë për Kosovën kur qeveria po përballet me epideminë, së bashku me të gjitha kapacitetet me mjekët e policët.

Duke iu drejtuar LDK-së dhe deputetëve nënshkrues për thirrjen e seancës, Selimi tha se të njëjtit edhe mund të braktisin interesin e qytetarëve, edhe mund të shtyjnë përpara projektin e Thaçit dhe Vuçiqit për marrëveshjen e dëmshme për Kosovën, por kurrë nuk mund të mposhtin Vetëvendosjen.

“Natyrisht, do të t akohemi prapë me njëri-tjetrin dhe në rrafshin politik dhe atë elektoral. E kur të takohemi në zgjedhje, thirrni Thaçin e Vuçiqin t’ua bëjë votat për zgjedhjet e ardhshme sepse pavarësisht që këtu u mundua sponsorizuesi të na nxjerrë ne në luftë për protagonizëm mes kryeministrit dhe presidentit, kjo natyrisht që nuk qëndron përderisa kryeministri po vazhdon të jetë në anën e interesit të qyfterëve, në mbrojtje të shëndetit të tyre, presidenti po vazhdon aleancën me ju për ta rrëzuar aleatin kryesor të qytetarëve në këtë rast Qeverinë e Kosovës”, deklaroi Selimi.

Selimi theksoi se sanksionet e pretenduara nga Shtetet e Bashkuara të Amerikës për Kosovën thjesht janë një trillim nëse nuk do të ishin një dëshirë e LDK-së në kohën e Qeverisë Kurti.

Madje, ai shtoi se kjo seancë është thirrur për të shkuar drejt një marrëveshje shumë të keqe që po e pret Kosovën

“Nuk është aspak e vërtetë që arsyeja kryesore e thirrjes së kësaj seance është shkarkimi i njërit nga ministrat, madje nuk është aspak e vërtetë që kjo seancë është thirrur as për ta hequr tarifën ndaj Serbisë. Kjo seancë është thirrur për të shkuar drejt një marrëveshje shumë të keqe që po e pret Kosovën, e kjo marrëveshje as nuk të pranohej, as nuk do të lejohej nga Qeverisja e Lëvizjes Vetëvendosje”, tha Selimi.

Ai tha se Lëvizja Vetëvendosje e ka ndarë mendjen dhe më mirë të tradhtohet sesa preferojnë të ruajnë interesin e vendit.

“Ne e kemi ndarë mendjen, më mirë të tradhtuar se të tradhtojmë. Më mirë të mashtruar se sa të mashtrojmë. Më mirë me Kosovën sesa në koalici on me ju. Shihemi përballje të tjera”, përfundoi Selimi.