Modeli britanik/ Zgjedhja e deputetëve nga baza, Basha: Ja si do bëhet seleksionimi…

Seleksionimi i kandidaturave për deputetë para se ato t’i dërgohen për vlerësim dhe gjykim, anëtarësisë, është kjo përvoja e Partisë Konservatore të kryeministres britanike, Theresa May e cila së bashku me ndryshimet statuore të PD për vendimarrjen e përzgjedhjes së kandidatëve për deputetë tek anëtarësia, është një standart europian të cilin kryetari i Partisë Demokratike, Lulzim Basha do ta jetësoj me ndihmën e partisë simotër nga Britania e Madhe.

Për këtë qëllim në selinë e PD u zhvillua dhe një takim me të dërguarit e Partisë Konservatore,   kryevlerësuesin  e Komitetit të Vlerësimit të kandidaturave për anëtarë të parlamentit britanik,David Jones dhe kandidatin konservator për parlamentit britanik, Mathju Vikers, ku Basha i informoi me iniciativat e demokratëve, hapin konkret të ndryshimit statuor dhe tani:

“Po marrim përvojën më të mirë në kontinentin europian dhe do të thoja edhe në botë të seleksionimit të kandidaturave para se ato t’i dërgohen për vlerësim dhe gjykim, anëtarësisë, që është përvoja e Partisë Konservatore Britanike të kryeministres Theresa Mayer.

Prandaj më vjen shumë mirë që kjo kërkesë është vlerësuar, që ne kemi këtu një personalitet, njeriun që kryeson procesin e përzgjedhjes së kandidaturave për parlamentin britanik dhe që do të na shoqërojë me këshillën dhe ekspertizën e  tij në bërjen funksionale të komisionit për përzgjedhjen e kandidaturave në zgjedhjet e ardhshme.”

Pra, PD, sipas Lulzim Bashë do të imponojë në skenën politike një standart europian, domosdoshmëri kjo në situatën e krijuar:

“Sot shoqëria është në krizë, se parlamenti është mbushur me persona që nuk kanë shpesh asnjë lidhje me partitë, si psh asnjëhërë anëtarë të PS dhe janë përfaqësus të bandave. Kjo duhet të marrë fund dhe PD po vepron në dy drejtime: me ligjin e dekriminalizimit, me propozimin tonë për vetingun e politikanëve dhe së treti, përmes reformës së vetë partike politike, reformës zgjedhore dhe reformës së partive politike, reformë  që duhet të synojë që partitë politike të shprehin dhe të përfaqësojnë vullnetin e qytetarëve.”

Ndryshe, në muajin prill, Partia Demokratike ka miratuar në statusin e saj, një proces për përzgjedhjen e kandidatëve për deputetë, i cili e kalon vendimarrjen tek anëtarësia e PD dhe ka vendosur garancitë që kandidatët të jenë njerëz me integritet personal, me vlera të larta morale dhe me përkushtim ndaj vlerave të demokracisë, lirisë, shtetit të së drejtësës, respektit për vlerat njerëzore