Modeli i vaksinimit në Evropë, Serbia, gjunjëzohet nga koronavirusi: Mbyllet!

Serbia që u cilësua model i vaksinimit kundër koronavirusit në Evropë, ku nga 7 milionë banorë sa ka më shumë se 1.5 milion banorë kanë marrë të paktën një dozë të vaksinës kineze, ruse, të kompanisë amerikane Pfizer, apo atë të kompanisë AstraZenenca, u mbyll në orën 21:00..

Autoritetet serbe kanë marrë vendim për mbyllje të dyqaneve jo të domosdoshme, si dhe bareve dhe restoranteve këtë fundjavë, për shkak të rritjes së numrit të të infektuarve me koronavirus. Kufizimet nisën të zbatohen nga ora 21:00 dhe do të jenë në fuqi deri më 15 mars.

Të gjithë ngjarjet publike do të pezullohen gjithashtu ndërsa nxënësit e shkollave fillore do të nisin mësimin online nga java e ardhshme, ka thënë zyrtari i lartë shëndetësor Zoran Gojkoviç.

Ndryshe, dje Ministria e Shëndetësisë ka regjistruar më shumë se 4.500 raste të reja me koronavirus dhe 24 viktima të shkaktuara nga sëmundja COVID-19, raporton RFE. Aktualisht, autoritetet kanë regjistruar më shumë se 507.000 raste dhe mbi 4.600 viktima prej kur ka shpërthyer pandemia.