Modernizimi i PD, Basha në Londër: Konservatorët britanikë, Aleatët kryesorë!
Kryetari i PD, Lulzim Basha, gjatë takimit me Kryetarin e Partisë Konservatore Britanike, Brandon Lewis, i shprehu mirënjohje për mbështetjen e jashtëzakonshme që Partia Konservatore po i jep Partisë Demokratike me Komsionin e përzgjedhjes së kandidatëve sipas modelit britanik, në kuadër të modernizinit dhe hapjes së PD, si dhe fuqizimit të mëtejshëm të anëtarësisë në procesin e organizimit të primareve.
Duke i shprehur kryetarit Lewis vendosmërinë e tij për modernizimin e Partisë Demokratike sipas modeleve më të mira perëndimore, Lulzim Basha tha se përvoja britanike në këtë drejtim është nga më të vyerat:
“Përfshirja direkte e Përzgjedhësit Kryesor të konservatorëve britanik, Chief Assessor, në ngritjen e komisionit të përzgjedhjes së kandidatëve në Parti, ka nje domethënie shumë të madhe për bashkëpunimin e mëtejshëm afatgjatë midis dy partive simotra.”
Dy kryetarët, Brandon Lewis dhe Lulzim Basha gjatë takimit në selinë qendrore të Partisë Konservatore Britanike në Londër, ku mori pjesë edhe kryetari i degës PD në Britaninë e Madhe, Naim Hasani, biseduan dhe për bashkëpunimin e ngushtë dypalësh në shkëmbimin e ekspertëve më të mirë, në mënaxhimin e fushatave elektorale si dhe në organizimin e brendshëm të partisë.
