Mogherini: Bisedime intensive dhe produktive në mes palëve

Shërbimi diplomatik evropian njoftoi se Federica Mogerini u takua me Aleksandar Vuçiç dhe Hashim Thaçi në kuadër të dialogut të ndërmjetësuar nga BE.

“Përfaqësuesja e Lartë dhe presidentët kishin bisedime intensive dhe produktive në kuadër të marrëveshjes për normalizimin gjithëpërfshirës të marrëdhënieve të dyja palëve. Ata ranë dakord të intensifikojnë punën në javët e ardhshme”, thuhet në deklaratën për media të Shërbimit Evropian për Punë të Jashtme.

Një takim i nivelit të lartë midis delegacioneve të Beogradit dhe Prishtinës përfundoi në Bruksel sonte pas tre orësh bisedimesh të drejtpërdrejta.