Mohuesi i Masakrës së Reçakut, Vuçiç në Tiranë: S’kemi pse kërkojmë ndjesë!
Njeriu që nuk kërkon ndjesë për krimet e kryera në Kroaci, Bosnje dhe Kosovë, madje mohon edhe Masakrën e Reçakut nga strukturat shtetërore serbe që u konfirmua nga Misioni i OSBE, Aleksandar Vuçiç, sot në takimin e radhës në Tiranë të nismës “Open Balkan” qartësoi dhe “avokatin” e tij Edi Rama se ky thjeshtë është një njeri që nuk kërkon ndjesë. Sot e kishte me Bosnje Herecegovinën, Malin e Zi dhe Kosovën që nuk pranojnë të jenë pjesë e nismës “Open Balkan” sepse dëmtojnë interesat e tyre kombëtare, liderët e të cilëve tha se i kanë ardhur në majet të hundës, që duhet tu japin justifikime.
“Janë të mirëpritur nëse duan të bëhen pjesë, po s’kemi pse kërkojmë ndjesë!”
“Falenderoj të gjithë ata që kanë punuar fort gjatë gjithë kësaj kohe. Këto janë rezultatet e para që kemi arritur deri tani. Mbajta shënim një fjali të fortë “Ndoshta mund të mos përgatisim dot të ardhmen për fëmijët tanë por mund të përgatisim fëmijët tanë”. Është një iniciativë që do krijojë themelet e të ardhmes së fëmijëve tanë. Objektiv është të lidhim njerëzit me njëri tjetrin. Që njerëzit të kenë mundësi të ndërveprojnë me njëri tjetrin. Mbrëmë gjatë një takimi me bizneset, pash një dëshirë të madhe të tyre për të bërë biznes në Serbi apo Maqedonisë së Veriut, po ashtu njoh biznesmenë serbë që duan të investojnë në Shqipërisë e Maqedoninë e Veriut. Po kështu edhe me turistët.
Lejet e punës, psh fabrika që kemi edhe në Maqedoninë e Veriut., në Bitola, po u duheshin inxhinierë, për disa trajnime ishte shumë e vështirë të nxirreshin lejet e punës, pale ta bënim këtë cdo muaj. Tani janë të mirëpritur, në Serbi apo RMV. Pra do zgjerojmë tregun me më shumë biznese, ofrojmë një krah pune më të mirë. Kjo është shumë e rëndësishme për të ardhmen. Mendoj që ky është themeli, kjo është baza e vërtetë e një zhvillimi ekonomik. Kemi dëgjuar qytetarët përfaqësuesit e bizneseve në të tre vendet tona,” tha Vuçiç si idetaori i kësaj nisme ndonëse nuk respekton CEFTA-n me asnjë shtet kufitar, Bosnje Hercegovinën, Malin e Zi dhe Kosovën dhe sot foli dhe për tregtinë më të lehtë me Open Balkan.
“Tregtia do të jetë më e lehtë. Janë cështje të rëndësishme për shumë nga qytetarët tanë. Ne të tre së bashku, ose të gjithë së bashku duhet të diskutojmë hapat e mëtejshëm. Duhet t’i bëjmë gjërat më shpejt, në mënyrë më efikase. Në muajt në vijim duhet të organizohemi më shpejt që gjatë verës të shohim që qytetarët e vendeve tona të kenë 5% ulje në restorante apo dyqane, dhe kjo të subvencionohet nga shteti. Do i inkurajojë më shumë njerëzit të bashkëveprojnë me njëri tjetrin. Askush nuk mund ta ndalojë këtë gjë. Ky është një proces gjithëpërfshirës,” u shpreh Presidenti i Serbisë, Aleksandar Vuçiç duke qartësuar më fund dhe Kryeministrin Edi Rama se çfarë mendësie kriminale ka ndërsa iu drejtua shteteve që nuk e pranojnë Ballkanin e Hapur për arsyet e tyre shtetërore:
“Më ka ardhur pak në majë të hundës, që duhet të japim justifikime, thua se kemi bërë diçka të gabuar. Janë të mirëpritur nëse duan të bëhen pjesë, po s’kemi pse kërkojmë ndjesë. Por do e kenë të vështirë t’u tregojnë qytetarëve pse nuk janë pjesë. Do të bëhen pjesë kur kjo gjë të jetë më e qartë.”
Se çfarë thanë Kryeministri Edi Rama dhe homologu i tij maqedon Zoran Zaev, pak rëndësi ka pas kësaj shfaqje kriminale.
Në kuadër të takimit për nismën ‘Open Balkan’ kryeministri Edi Rama, presidenti i Serbisë, Aleksandër Vuçiç dhe kryeministrit të Maqedonisë së Veriut, Zoran Zaev kanë firmosur 5 marrëveshje bashkëpunimi.
MARREVESHJET E MIRATUARA
1. Marrëveshja për kushtet për akses të lirë në tregun e punës në Ballkanin Perëndimor.
2. Marrëveshja për ndërlidhjen e skemave të identifikimit elektronik të qytetarëve të Ballkanit Perëndimor.
3. Marrëveshja ndërmjet Këshillit të Ministrave të Republikës së Shqipërisë dhe Qeverisë së Republikës së Serbisë dhe Qeverisë së Republikës së Maqedonisë së Veriut për bashkëpunim në fushën e veterinarisë, sigurisë ushqimore dhe ushqimore për kafshë dhe fitosanitare në Ballkanin Perëndimor.
4. Marrëveshja ndërmjet Qeverisë së Republikës së Serbisë dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).
5. Marrëveshja ndërmjet Qeverisë së Republikës së Maqedonisë së Veriut dhe Këshillit të Ministrave të Republikës së Shqipërisë për njohjen reciproke të autorizimeve të operatorit ekonomik të autorizuar – siguri dhe siguri (AEOS).
Ndryshe, ideatori i nismës “Open Balkan”, Aleksandar Vuçiç, ngelet krimineli i vetëm që drejton një shtet në Ballkanin e përgjakur metë vetmën miqësi, Edi Ramën, i cili vazhdon e mbron parimet e tij kriminale edhe kur ai mohon Masakrën e Reçakut dhe kur ai tashmë financon dhe një film i cili “fakton të pavërtetat e kësaj masakre”.
