Monego dhe Iute Credit dhanë mbi 70 milionë euro kredi në Kosovë

Banka Qendrore e Kosovës javë, BQK, më parë ka marrë vendim për revokimin e licencave për institucionin mikrofinanciar Iute Credit dhe institucionin financiar jobankar Monego. Këto dy institucione kanë vepruar në Kosovë për disa vite. E gjatë kësaj kohe Iute Credit dhe Monego kanë dhënë mbi 70 milionë euro kredi dhe kishin rreth 80 mijë klientë.

E të dy këto Institucione që kanë operuar që disa vite në Kosova kanë pasur rreth 80 mijë klientë.

Banka Qendrore e Kosovës ka dhenë detaje të reja për veprimtarinë e institucioneve mikrofinanciare Iute Credit dhe institucionin financiar jobankar Monego.

Në BQK kanë treguar se shuma e kredive të lëshuar nga këto dy institucione ishte mbi 70 milionë euro. Kurse, klientë që kanë marr kredi nga to llogaritet të jenë rreth 80 mijë.

“Numri i tërësishëm i kredive aktive bazuar në Regjistrin e Kredive të Kosovës me gjendje të fundit është 79.9 mijë klientë. Shuma e kredive të lëshuara (aktive dhe jo aktive – të mbyllura) me gjendje të datë 31 tetor 2019 është 72.5 milionë euro”.

Në BQK kanë treguar se kreditë e marra do të kthehen tek likuidatorët e caktuar.

“Kreditë e marra nga klientët tek çdo institucion financiar i licencuar, rregulluar dhe mbikëqyrur nga BQK-ja duhet të kthehen. Kjo, bazuar në kushtet e kredisë dhe afatet siç specifikohet me kontratën në mes të kredi marrësit dhe kredi dhënësit, ku çdo vonesë në pagesën e kësteve ndikon në rritjen e këstit. E njëjta vlen edhe në rastet kur një institucioni i revokohet licenca (regjistrimi). Për më shumë, likuidatorët e caktuar nga BQK-ja lidhur me institucionet që u janë revokuar regjistrimet së fundmi kanë vendosur informatat nëpër degët e institucioneve përkatëse se ku klientët mund t’i paguajnë këstet kreditore”.

Në fillim të këtij muaji Banka Qendrore e Kosovës ka bërë të ditur se ka marrë vendim të revokojë regjistrimin dhe të inicojë procedurat e likuidimit për institucionin mikrofinanciar “Iute Credit Kosovo” Sh. A. dhe për institucionin financiar jobankar “Monego”.

“Këto institucione në vazhdimësi kanë devijuar nga planet e tyre të biznesit në bazë të të cilave kishin marrë licencat për të operuar në Kosovë, duke i sjellë kështu tregut tonë diçka tjetër prej asaj që kishin premtuar që do të sjellin. Devijimi më i rëndësishëm dhe më shqetësues nga planet e tyre të biznesit, në bazë të të cilave kishin marrë licencën, ka të bëjë me normat e interesit që këto institucione kanë aplikuar në kredi, të cilat kanë rezultuar të jenë shumëfish më të larta në krahasim me normat që këto institucione kishin paraparë në dokumentacionin e aplikimit për kredi, i cili paraqet një element shumë të rëndësishëm në procesin e marrjes së vendimit për aprovimin e licencave për institucionet financiare”.

Aty u tha gjithashtu se BQK është përpjekur që përmes masave të parapara administrative të shtyjë këto institucione që t’i adresojnë këto probleme, por ato nuk kanë rezultuar të suksesshme për shkak të mosgatishmërisë së këtyre institucioneve për të ndërmarrë korrigjimet e nevojshme.

Por me këtë vendim nuk po pajtohen assesi këto dy institucione. Reagimet nga Monego e Iute Credit nuk kanë të ndalur.

Monego ka kërkuar se aksionari menjëherë të hapë degët e kompanisë për t’u mundësuar kthimi i kredive të dhëna.

Aksionari kërkon nga zotëri Zeneli që menjëherë të hapë degët e kompanisë për t’u mundësuar kthimi i kredive të dhëna. Mbyllja e degëve do të thotë që klientët nuk janë në gjendje të përmbushin detyrimet e tyre të kredisë, duke shkelur kështu obligimet e tyre kontraktuale. Përveç kësaj, vendimi që klientët të bëjnë pagesa përmes llogarive të tjera bankare, që nuk janë ato të Monego, përbëjnë shpenzime shtesë për klientët e Monego për shkak të pagesës së shpenzimeve shtesë të transaksioneve bankare”.

Po ashtu në atë të këtij njoftimi është treguar vendimi për të mbyllur degët ka krijuar pasiguri për vendin e punës për 250 punonjës.
“Vendimi i administratorit për të mbyllur degët gjithashtu krijon pasiguri për vendin e punës për 250 punonjës të kompanisë, të cilët janë të nevojshëm për të kryer punët e nevojshme për portofolion ekzistuese të kredisë”, thuhet në njoftim.

Kurse, Iute Credit ka kontestuar revokimin e licencës në Kosovë.
Sipas Kryeshefit Ekzekutiv të IuteCredit Europe, Tarmo Sild, revokimi i licencës ishte i papritur për kompaninë, por ndikimi i tij financiar në grupin IuteCredit është minimal.

“Ne kemi hyrë në tregun e Kosovës vetëm dy vjet më parë dhe në fakt ende jemi duke operuar atje si kompani fillestare, e cila vetëm tani ka filluar t’i arrijë qëllimet e saj. Ne patëm dorëzuam plane të reja biznesi tek autoritetet lokale dhe prisnim komentet për ato plane”.

Aktualisht, kompania është duke punuar si me këshilltarët ligjorë, ashtu edhe me autoritetet lokale, në mënyrë që të sigurojë vazhdimin e biznesit në Kosovë sa më shpejt të jetë e mundur dhe të minimizojë ndikimin negativ të situatës si për kompaninë ashtu edhe për investitorët./Monitor/