“Mora pushkën dola malit…”, reagimi i gjyqtarit pas shkarkimit nga KPK

Komisioni i Pavarur i Kualifikimit vendosi sot shkarkimin e gjyqtarit Ervin Metalla.

Vendimi erdhi pasi rezultoi se gjyqtari kishte kryer një seri transaksionesh për blerjen e një apartamenti dhe një garazhi në vitin 2007 në Tiranë.

Metalla e kundërshtoi këtë vendim, por KPK vendosi që ta shkarkojë nga detyra. Gjyqtari i Durrësit ka zgjedhur poezinë “ Ku ta dija unë i varfri”, për të reaguar në lidhje me vendimin që u morë kundrejt tij.

KU TA DIJA UNE I VARFRI

Mora pushkën dola malit,

Të luftoja për atdhe,

Ku ta dija unë i varfri,

Se armiku ishim ne.

Mora pushkën, dola malit

Të luftoja per liri,

Ku ta dija une i shkreti

Se armiku ishe ti.

Mora pushkën dola malit

Të luftoja ne furtunë;

Ku ta dija une i ngrati

Se armiku isha unë.

*