Moralistja Klotilda/ Denoncimi, PD: Me ardhjen e Edi Ramës në pushtet, bashkëshorti i saj 10 fishoi pasurinë e kompanisë
Kur nuk i ka mbetur asnjë deputet i pastër i cili mund të flas për Vettingun në Politikë dhe aq më pak për Platformën Antimafia, urdhëri i Edi Ramës për të nxjerrë deputeten Klotilda Bushka për momentin u mendua si lëvizje e qëlluar. Person, i cili edhe pse në Partinë Socialiste nuk ka se ku ta kapin! Gjykimi ishte i gabuar!
Vetëm pak minuta pas leximit të fjalimit të shkruar nga Edi Rama, Partia Demokratike përmes deputetit Ervin Salianji jep pasqyrën e vërtetë të Klotilda Bushkës, jo asaj denoncueses dhe moralistes që futet edhe nëpër kasafortat e kunetërve, vetëm për të sulmuar opozitën.
Por, çfarë thotë kasaforta e kësaj shitsjeje të moralit, dhe derisa është futur në kasafortat e botës di gjë Klotidla Bushka se çfarë përmbanë ajo e bashkëshortit, pasuri që ajo e fshehu.
“E vërteta është se Altin Bushka, bashkëshorti I Klotildës, ka 10 fishuar të ardhurat e kompanisë me marrjen e pushtetit nga Edi Rama,” thekson Ervin Salianji.
“Grafiku tregon qartë se kompania Selcom, në pronësi të Altin Bushkës dhe Gentian Sulës, një tjetër klient I Edi Ramës dhe Erion Veliajt, deri në vitin 2012 ka qenë pothuajse inekzistente. Por në 4 vitet e fundit kompania ka rritur me 10 herë pasurinë e saj,” thekson deputeti i Partisë Demokratike duke saktësuar se vetëm me tendera publikë kompania e Klotilda Bushkës ka marrë 3 miliardë e 500 milionë lekë nga paratë e shqiptarëve.
Po pse atëherë u përzgjodhë nga Edi Rama kjo deputete. Përgjigja është pikërisht në nismën e PD-së.
“Me vettingun që propozon Partia Demokratike Klotilda Bushka largohet nga politika. Është pasuaria e grabitur motivi i vetëm pse Edi Rama dhe shërbëtorët e tij, si Klotidla Bushka, kundërshtojnë platformën e opozitës, që do të sekuestrojë pasuritë e politikanëve të korruptuar dhe oligarkëve të lidhur me ta,” tha deputeti i Partisë Demokratike, Ervin Salianji duke shtuar se me nismën e vet, PD do ta çlirojë ekonominë nga një grusht oligarkësh dhe klientësh të Edi Ramës, duke i dhënë mundësi të barabartë për konkurim çdo biznesi, ndërsa përfundoi:
“Frikë nga vetingu në politikë dhe nga paketa antimafia duhet të kenë vetëm ata që, bashkë me Edi Ramën, u kanë vendosur gjobë shqiptarëve vetëm me koncesione 2.2 miliardë euro”.
