Morgan Stanley: Rusia falimenton më 15 Prill!

Banka e Investimeve “Morgan Stanley” ka bërë të ditur se për shkak të rënies së çmimeve të obligacioneve, rritjes së recesionit në vend dhe sanksioneve që janë vendosur, ulet mundësia që Rusia do të mund të paguaj borxhin e jashtëm.

“Konsiderojmë se skenari më i mundshëm është që Rusia nuk do të mund të plotësoj detyrimet e saja,” thekson drejtuesi global i strategjisë kreditore për tregjet në zhvillim, Simon Waever, raporton Bloomberg.

“Në rast të mosplotësimit të detyrimeve, situata në këtë vend mund ti ngjajë asaj në Venezuelë,” shprehet Waever duke përfunduar:

“Rusia më 15 Prill mund të jetë në situatën që nuk do të mund të paguaj borxhin e jashtëm, që do të ishte fundi i periudhës 30-ditore për pagesa, që qeveria ruse i ka borxh në obligacionet në dollarë me maturi 2023 dhe 2043.”

Vlerësimet e investitorëve

Sipas të dhënave të Bloomberg, çmimet indikative tregojnë se investitorët vlerësojnë obligacionet e vitit 2023 në rreth 29 cent sipas dollarit amerikan, që është vlera më e ulët që ishte ndonjëherë. Në ditët para se Rusia ta sulmonte Ukrainën, me borxhin është tregtuar mbi çmimin nominal.

Edhe pse është e rrallë që borxhi shtetëror të bie në vlerë njëshifrore, “Morgan Stanley” konsideron që obligacionet ruse “mund ti afrohen”. Libani dhe Venezuela janë shembujt e vetëm të kohëve të fundit të një rënie aq të ulët të borxhit të një shteti.

Në fakt, “Morgan Stanley” konsideron se Rusia ndoshta nuk do të mund të paguaj borxhin e jashtëm për shkak të sanksioneve që i ka vendosur SHBA dhe BE. Gjithashtu, nuk dihet nëse do t’ju lejohet bankave amerikane të pranojnë pagesat nga ministria ruse e Financave.