Mori vaksinën Pfizer, Pëllumb Pipero rezulton pozitiv me COVID-19
Ndonëse mori dozën e parë të vaksinës Pfizer para 16 ditësh, mjeku infeksionist, Prof.Dr.Pëllumb Pipero ka rezultuar pozitiv me COVID-19.
Dr.Pipero është rasti i parë në vendin tonë që infektohet me koronavirus pasi ka marrë dozën e parë të vaksinës.
Aktualisht, në Shqipëri janë vaksinuar rreth 500 persona, të gjithë mjekë dhe infermierë me përjashtim të kryeministrit Edi Rama si personi i parë i vaksinuar.
Të vaksinuarit pritet të marrin dozën e dytë të vaksinës Anticovid ashtu siç parashikon edhe udhëzuesi i kompanisë Pfizer.
