Morinë, Menaxhim serb i kufirit shqiptaro-shqiptar

Ndonëse Marrëveshja për menaxhimin e integruar të kufirit nuk është bërë me urdhër të Beogradit, si në rastin e Kosovës dhe Serbisë, Marrëveshja e nënshkruar ditë më parë në mes Kosovës dhe Shqipërisë vazhdon të mos apilkohet, në pritje që të publikohet në fletoren zyrtare.

Fundviti dhe ditët e para të vitit 2019 kanë krijuar një situatë kaotike në vendkalimin kufitar Qafë Morinë si nga sjellja e policëve dhe punëtorëve doganorë që krijojnë radhë të gjata ashtu edhe qytetarët e painformuar, të cilët, të tensionuar nga trajtimi serb që u bënë Edi Rama në këtë kufi shqiptaro-shqiptarë për pesë vjet, akuzojnë Ministrin e Brendshëm, Sandër Lleshaj i cili deklaroi bashkimin doganor me konceptin “një ndalesë-një kontroll”,  por automjetet dhe qytetarët kontrollohen nga dy policitë kufitare.

“Sandër Lleshi e di, ai thotë nuk ka kufi”.

“Unë jam udhëtar që kaloj çdo ditë. Nuk e di pse thotë është një doganë. Edhe në Kosovë dhe në Shqipëri kontrollohen”.

“Si me qenë në doganë serbe”, ishin ankesat e zakonshme të shqiptarëve që ishin në pritje në të dy anët e kufirit edhe pse policia punonin në 8 sportele.