“Mos luaj kaq mirë se nuk të merr Kombëtarja”/ Bakaj këshillon Çekiçin dhe thumbon trajnerin Reja

Endri Çekiçi ishte protagonist ditën e djeshme, teksa realizoi një supergol me fanellën e Olimpja Lubijana në triumfin 3-1 ndaj Bravos. Vetëm 3 minuta i mjaftuan pogradecarit, teksa goditi saktë më të djathtën duke përshëndetur rrjetën, raporton Panorama.

Pas përfundimit të ndeshjes, Çekiçi zgjodhi ta ndante golin me miqtë e tij në “Instagram”, teksa nuk munguan komentet e shumta.

Më pikanti ishte ai i sulmuesit Elis Bakaj, i cili ka “këshilluar” pogradecarin, që mos luaj kaq mirë, sepse nuk e merr Kombëtarja.

Një mesazh “thumbues” për trajnerin Edi Reja dhe stafin e tij, të cilët duket se e kanë harruar Çekiçin pavarësisht formës së mirë që po kalon te skuadra e tij.

“Mos luaj kaq mirë vëlla sepse nuk të merr Kombëtarja, luaj çka se mbase të marrin. Bravo vëlla”,  ishte komenti i Bakaj. Ndërkohë nuk ka munguar edhe kundërpërgjigjia e Çekiçit, i cili ka shkruar:

“Shumë flm vëlla, duhet menduar edhe kjo.”