Mos u lodhni kot, PD s’ka pickues të fundit!
nga Agim Popoci
Shumë injorant politik si Edi Rama dhe Lulzim Basha e kanë akuzuar Partinë Demokratike si pjellë e Ramiz Alisë dhe Sigurimit të Shtetit, liderin historik Sali Berisha si bashkëpunëtor të Enver Hoxhës e madje kishte dhe nga ata që berishizmin e njësojnë me enverizmin, duke projektuar Lulzim Bashën si liderin e fundit ose Partia Demokratike do të shuhet!
Por ajo mbijeton edhe pas 30 vjet akuzash dhe sot kur Lulzim Basha nuk është më kryetar i Partisë Demokratike sepse thjeshtë PD është mjalta e atyre që aderojnë në këtë parti dhe nuk kanë ind të zorrës së bletës, që pasi të dal të shkaktoj dhe vdekjen e saj!
Për këtë është kujdesur Perëndia dhe nuk e ka lënë në dorë të këtyre budallenjve që hyjnë dhe dalin në Partinë Demokratike vetëm për ta pickuar, ti thonë PD por me raste edhe Shqup; Bashkëpunëtorët e Berishës ti njohin si ministra por më vonë si sigurimsa edhe pse heshtin kur Kuvendin e tyre e hap një këshilltar i Edi Ramës; Të publikojnë foto të Sali Berishës me Enver Hoxhën të cilin e akuzon për krime por jo dhe foton me George Soros të cilin poashtu e akuzon për krime, sepse për këtë foto Lulzim Basha nuk ka marrë leje nga Edi Rama, ndonëse si Basha ashtu dhe Rama kanë dhjetëra foto me këtë shkatërrues të kombit dhe shtetit shqiptar; Ta quajnë PD-në si parti me bërthamë të Përndjekurit Politik por me raste edhe si parti ku Berisha dhe komunistët e tij me libër shpie shkelën me këmbë të Përndjekurit Politik ndërsa ulin kokën kur në foltoren e Kuvendit u del prodhuesi i të Përndjekurve Politik që Lulzim Basha e bëri Sekretar të Përndjekurve Politik. Po, për Jonila Godolen është fjala, paramilitaren e Partisë së Punës që shërbeu me devotshmëri në celulën “Koha Jonë” ; Të akuzojnë socialistët si organizatorë të kryengritjes së armatosur të vitit 1997 por kur u thotë Lulzim Basha ti binden faktit se këtë e bëri Sali Berisha; Të shohin me sy 21 Janarin dhe dhunën që organizuan forcat paramilitare të Edi Ramës dhe Saimir Tahirit por të ndërrojnë mendje kur akuzat i lançon Lulzim Basha dhe fillojnë ta akuzojnë Sali Berishën për varsjen e 4 protestuesve; Të ngritin Komision për masakrën zgjedhore të 25 Prillit që organizoi Edi Rama por të akuzojnë deputetin e tyre që vodhi vota në Elbasan vetëm pse mbështetë Sali Berishën…
Këto dhe shumë pickime të ngjashme i janë bërë dhe i vazhdojnë ti bëjnë Partisë Demokratike, e analfabetët politikë pa e kuptuar se PD është mjalta dhe pickues të fundit nuk ka, nuk ndaluan, madje edhe kur kjo u konfirmua me zhvillimet e fundit në këtë parti!
Krahasimet që shumë mendimtarë në shërbim të Edi Ramës i importojnë nga ish-vendet komuniste mbi shuarjen e partive që rrëzuan diktaturat nuk qëndrojnë. Liderët e këtyre lëvizjeve ngelën pa mbështetës dhe bërthamën e partisë, që nuk është rasti me “Foltoren” e cila u krijua dhe prodhoi edhe një Komision për Rithemelimin e PD.
Dhe, sot, “Foltorja” ekziston fal reagimit të pakënaqurve me politikat e dështuara të Lulzim Bashës por dhe një arsye shumë madhore! Edi Rama me Lulzim Bashën arritën të përçajnë Pronarët dhe të Përndjekurit Politik por jo dhe Forumin më të rëndësishëm që ka Partia Demokratike, dhe për fat të mirë të këtij kombi, Rama me sigurimsat e tij nuk e kontaminoi dot, Forumin Rinor të Partisë Demokratike, FRPD.
Jo, në mes të Lulzim Bashës dhe Sali Berishës, por duke identifikuar fajtorin e humbjeve elektorale 8 vjeçare, anëtarët e FRPD i dolën për zot shpëtimit të partisë së tyre, PD, lëvizje që prodhoi me shumë mbështetës që ishin të pakënaqur jo me Partinë Demokratike, pavarësisht etiketimeve 30 vjeçare, por me ata që e menaxhuan, një shpresë të re.
Ecuria e kësaj lëvizje që mbështeti FRPD, rezultoi që vendimi ishte i drejtë pasi u shprehë përmes Referendumit me pjesëmarrjen e rreth 58% të anëtarësisë së PD.
Sot mund të vazhdojnë të thurin lavde për Lulzim Bashën “demokratët” nën hyqmin e Kunatit dhe mediat në shërbim të Edi Ramës, por sot PD vazhdon të të ekzistoj sepse aty është FRPD, një garant që Lulzim Basha nga padituria dhe deliri, e shkelmoi!
Gjithashtu, sot, kur është e qartë që Kryetar i PD nuk do bëhet Lulzim Basha por as Sali Berisha, është vonë për ta korrigjuar politikën braviste që shkatërroi shumë hallka në Partinë Demokratike.
Mungesa e ideologjisë dhe idealit ndër këta hajvanë sot e konfirmon që jo vetëm ata mund të jenë të paorientuar por dhe faktin se PD është si mjalta! Mjaltën që krijoi Zoti dhe këta nuk e njohin, ose dhe atë që krijoi natyra dhe këta nuk duan t’ia dinë, dhe vazhdojnë ta pickojnë PD-në!
Zoti e përshkroi mjaltin si shërim për njerëzit. Këta hajvanë që orë e çast pickojnë PD-në, për ti ruajtur nga vdekja, nuk u fali indin që është midis thumbit e bletës dhe del direkt duke shkaktuar vdekjen e bletës.
Dhe jo vetëm kaq! Shumë pickues që vinin dhe vijnë nga Sigurimi i Shtetit dhe jo vetëm, në Partinë Demokratike, me gjakun e tyre të kontaminuar dhe të sëmurë do ta bënin edhe mjaltin shkaktarë të shumë sëmundjeve, që në këtë rast, do të përhapeshin nga PD!
Prandaj, mos u lodhni kot, PD s’ka pickues të fundit!
