Mosbindja civile, nesër në orën 17:00 opozita bllokon 6 akset kryesore të Shqipërisë

Pas protestës marshim, nesër më 29 Tetor, Partia Demokratike dok të zhvilloj një protestë të mosbindjes civile me fillim në orën 17:00 duke bllokuar 6 akset kryesore në Shqipëri.

Kështu, sipas vendimit të mbledhjes së zhvilluar të Sekretarit të Përgjithshëm, Flamur Noka, me drejtuesit Politikë dhe kryetarë e degëve, mosbindja civile zbret në akset kryesore të Shqipërisë:

– Segmenti Casa Italia – Sheshi “Shqiponja”, ku do të jenë të pranishme degët e Tiranës dhe Dibrës që do të bllokojnë hyrje-daljet në këtë rrugë dhe lëvizjen e automjeteve.
– Rrethrrotullimi Milot, ku do të vendosen degët e Kukësit, Shkodrës dhe Lezhës, që do të bllokojnë hyrje-daljet në këtë rrugë dhe lëvizjen e automjeteve.
– Rrethrrotullimi Shkozet, ku do të vendosen degët e Durrësit, Fushë-Krujës, Krujës dhe Shijakut, që do të bllokojnë hyrje-daljet në këtë rrugë dhe lëvizjen e automjeteve.
– Rrethrrotullimi Bradashesh, ku do të vendosen degët e qarqeve Korçë dhe Elbasan, që do të bllokojnë hyrje-daljet në këtë rrugë dhe lëvizjen e automjeteve.
– Rrethrrotullimi Rrogozhinë, ku do të vendosen degët e Kavajës, Lushnjës, Rrogozhinës dhe Divjakës, që do të bllokojnë hyrje-daljet në këtë rrugë dhe lëvizjen e automjeteve.
– Rrethrrotullimi Levan, ku do të vendosen degët e Fierit, Gjirokastrës, Vlorës dhe Beratit, që do të bllokojnë hyrje-daljet në këtë rrugë dhe lëvizjen e automjeteve.

Bllokimi i këtyre akseve është parashikuar të jetë tre orë, nga ora 17:00-20:00, por mësohet se gjithçka do të varet nga zhvillimi i situatës në terren.