Opozita në protestë, sot në orën 17:00 bllokohen 6 akset kryesore në Shqipëri

Pas protestës marshim, nesër më 29 Tetor, Partia Demokratike dok të zhvilloj një protestë të mosbindjes civile me fillim në orën 17:00 duke bllokuar 6 akset kryesore në Shqipëri.

Kështu, sipas vendimit të mbledhjes së zhvilluar të Sekretarit të Përgjithshëm, Flamur Noka, me drejtuesit Politikë dhe kryetarë e degëve, mosbindja civile zbret në akset kryesore të Shqipërisë:

– Segmenti Casa Italia – Sheshi “Shqiponja”, ku do të jenë të pranishme degët e Tiranës dhe Dibrës që do të bllokojnë hyrje-daljet në këtë rrugë dhe lëvizjen e automjeteve.

Deputetët që do të jenë në këtë pikë janë Flamur Noka, Albana Vokshi, Xhelal Mziu, Petrit Doda, Asllan Dogjani, Helidon Bushati, Kreshnik Çollaku, Dhurata Çupi dhe aleatët të cilët do të jenë bashkë me qytetarët.
– Rrethrrotullimi Milot, ku do të vendosen degët e Kukësit, Shkodrës dhe Lezhës, që do të bllokojnë hyrje-daljet në këtë rrugë dhe lëvizjen e automjeteve.

Deputetët e angazhuar në këtë pikë do jenë Flamur Hoxha, Isuf Çela, Emilja Koliqi, Ramadan Lika, Greda Bardeli, Ludovik Hasanaj, Lindita Metaliaj, Elda Hoti, Kastriot Piroli.
– Rrethrrotullimi Shkozet, ku do të vendosen degët e Durrësit, Fushë-Krujës, Krujës dhe Shijakut, që do të bllokojnë hyrje-daljet në këtë rrugë dhe lëvizjen e automjeteve.
– Rrethrrotullimi Bradashesh, ku do të vendosen degët e qarqeve Korçë dhe Elbasan, që do të bllokojnë hyrje-daljet në këtë rrugë dhe lëvizjen e automjeteve.

Deputetët prezentë do jenë Lefter Gështenja, Qani Xhafa, Edmond Spaho, Sorina Koti, Tomor Alizoti.

– Rrethrrotullimi Rrogozhinë, ku do të vendosen degët e Kavajës, Lushnjës, Rrogozhinës dhe Divjakës, që do të bllokojnë hyrje-daljet në këtë rrugë dhe lëvizjen e automjeteve.

Deputetët e angazhuar janë Ilda Dhori, Dashnor Sula dhe Bledjon Nallbati.
– Rrethrrotullimi Levan, ku do të vendosen degët e Fierit, Gjirokastrës, Vlorës dhe Beratit, që do të bllokojnë hyrje-daljet në këtë rrugë dhe lëvizjen e automjeteve.

Në krye të protestuesëve do jenë deputetët e PD, Luan Baçi, Kasem Mahmutaj, Tritan Shehu, Bujar Leskaj.

Kjo protestë do jetë dhe një rast i mirë për deputetët dhe opozitarët tjerë që mbanin leksione se çfarë është “Mosbindja Civile”, ti bashkohen një akti të mirëfilltë të mosbindjes civile me bllokimin e këtyre akseve që është parashikuar të zgjatë tre orë, nga ora 17:00-20:00, por mësohet se gjithçka do të varet nga zhvillimi i situatës në terren.

Ndërkohë ka reaguar Policia e Shtetit përmes një deklarate jo duke u zotuar për ruajtjen e rendit dhe qetësisë publike por duke rikujtuar subjektin politik të PD-së se bllokimi i akseve rrugore është vepër penale.

“Nisur nga objekti i kërkesës së bërë për zhvillimin e tubimeve në disa akse rrugore, Policia e Shtetit iu ka kthyer përgjigjje organizatorëve se merr përsipër garantimin e tubimeve që nuk bllokojnë lëvizjen e lirë të automjeteve dhe qytetarëve.
Bllokimi i akseve rrugore është vepër penale e parashikuar nga neni 293 i Kodit Penal dhe cilido që do të ndërmarrë veprime për të bllokuar rrugët, do të përballet me pasojat që sjell shkelja e këtij neni,” thekson Policia e Shtetit e gtashme për të përdor dhunë ashtu si në tubimet tjera opozitare ose jo.

Gjithsesi, pavarësisht gatishmërisë për dhunë të Policisë së Shtetit, Kryetari i Partisë Demokratike, Sali Berisha, në fjalën e tij nga arresti i shtëpisë paralajmëroj Edi Ramën:

“Mos ndërse bastardin e familjes Hoxha, ish-gjobëvënësin, krye-gjobvënësin e Policisë Rrugore, përfaqësuesin e bandave të rrezikshme të Durrësit, dhe më parë të Tiranës, Ervin Hoxhën.

Mos guxo të ndërsesh narko-komisarin e implikuar në aktet më të rënda kriminale me bandat, Ilir Prodën kundër protestuesve, sepse përgjigja do të jetë lemeritëse për ju.

Bllokimi i rrugëve, protesta, mosbindja civile e opozitës është kushtrimi që burojnë nga thellësia e shpirtit të çdo qytetari të këtij vendi për t’u ndarë sa më shpejt nga ky regjim,” tha Sali Berisha duke e bërë të qartë se beteja që fillon sot është një betejë në vazhdim. Bllokimi i Edi Ramës në Surrel do të jetë edhe kjo në agjendën e mosbindjes civile.

“Ndaj dhe, le t’i tregojmë ne çdo shqiptari. T’i tregojmë ne çdo qytetari të lirë të Europës se, shqiptarët janë më të vendosur t’u japin ndëshkimin e merituar baronëve të drogës me Edi Ramën në krye në Tiranë,” tha Kryetari i Partisë Demokratike, Sali Berisha, duke përfunduar:

“Në mosbindjen tonë civile, ne u përcjellim shqiptarëve kudo që janë, por edhe miqve të Shqipërisë në të katërta anët e Europës se, të zotët e vërtetë të Shqipërisë janë qytetarët e saj! Se armiqtë e saj, janë qeveritarët me Edi Ramën në krye, dhe se në këtë betejë ne qendrojmë të gatshëm për çdo sakrificë për të rikthyer votën e lirë.

Qendrojmë të gatshëm për të mbrojtur dinjitetin dhe lirinë e qytetarëve të cilat pa votën elirë nuk ekzistojnë.”