Mosdekretimi i Lleshit/ Rama: Presidenti i Republikës nuk e ka thënë fjalën e fundit…

Kryeministri Edi Rama ashtu siç kishte premtuar nga foltorja e Parlamentit filloi fjalimin shterrues për problemin që ka mazhoranca me Presidentin e Republikës, pas refuzimit që kreu i shtetit i bëri Sandër Lleshit për postin e Ministrit të Brendshëm.

Kryeministri tha para deputetëve se Ilir Meta gjithë këto kohë e ka justifikuar votën e socialistëve dhe ka respektuar Kushtetutën. Por që pas përplasjes për emrin e Sandër Lleshit situatë nuk është më e njëjtë.

Ai lexoi letrën që kishte marrë nga Presidenti ku dhe e ka komenttuar :

“Kthim përgjigje për propozimin për emërimin e z. Sandër lleshaj për ministër të Brendshëm….

Ju bëj me dije se Presidenti i Republikës, në cilësinë e Kryetarit të Këshillit Kombëtare, në mbështetje të Kushtetutës, nuk krijoi bindjen për kandidaturën dhe ndaj nuk i përgjigjet propozimit tuaj.”

Kjo është letra tha ai, pra, Presidenti nuk ka krijuar ‘bindjen e plotë’ për z. Lleshaj se e kanë njësoj në certifikatë ai Lleshaj, Presidenti Metaj’.

Por, unë, tha Rama, nuk kam propozuar, por i kam dërguar emrin e ministrit’, u shpreh Rama në seancën e jashtëzakonshme të Parlamentit ku janë të pranishëm vetëm deputetët e PS-së.

Gjithësesi ai tha se Presidenti i Republikës nuk e ka thënë fjalën e fundit dhe përshëndeti vendimin e Ilir Metës për ta dekretuar kreun e SHISH, Helidon Bendo.

Pjesë nga deklarata:

Shumë nga në këtë sallë kemi votuar për Metën si President, atë ditë ne nuk e kishim shumicën, por unë e kisha sidoqoftë bindjen e plotë se Meta ishte kandidatura më e përshtatshëm kur Kuvendi duhet të
zgjidhje Presidentin e 7.

Por çështje e vërteta kur hyri në Presidencë, pas asaj dalldisjes nëpër Shqipëri me flamurin e LSI, por më pas i ka bërë detyrat shumë mirë.

Ne kemi detyrën ta bëjmë këtë punë, e kemi apo jo besimin e gjithkujt tjetër, pasi kemi marrë mandatet. Mund të hidhen edhe përpjetë po të dojë, askush tjetër përveç popullit asnjë nuk e ka, kjo vlen dhe për
Presidentin e Republikës.

Kushtetuta i ka të përcaktuar e zeza mbi të bardhë dhe Kompetencat, por nuk e ka që mund të thyej vendimin e Kryeministrit.

Edhe pse haptazi partiak, botërisht i njohur si i PD, paraardhësi i Metës i votoi ministrat me duart e lidhura nga Kushtetuta.

Ja letra që më ka mbërritur të shtunën mbrëma

Zoti kryeministër në përgjigje të shkresës suaj Presidenti nuk krijoi bindjen e plotë për ti dhënë besimin e tij kandidaturës zotit Sandër Lleshi, (se ku është mbështetja këtu nuk thuhet citim Rama).
Në këto kushte presidenti nuk i përgjigjet pozitivisht për emërimin e Sandër LLeshajt.

Me respekt Ilir Meta.

Kjo është letra, pra presidenti nuk ka krijuar bindjen e plotë për ti dhënë besimin e tij kandidaturës së Sandër Lleshaj, e prandaj nuk i përgjigjet pozitivisht (ky e ka Metaj) në certifikatë Unë presidentit i kam çuar dekretin për një ministër, jo për një kandidat, ministër të cilin sipas kushtetutës sonë presidenti nuk ka kompetence ta refuzojë, por ka detyrën ta miratoj.

Brenda 7 ditësh me një dispozitë taksative që nuk lë vend për interpretim. Presidenti e ndjej të nevojshme madje me deklaratë zyrtare se ai nuk do të lejojë asnjë përpjekje, nuk di të kem bërë ndonjë përpjekje për të sfiduara autoritetin e presidentit po as në mendje nuk do e çoja dot një gjë të tillë. Ia kam thënë presidentit si edhe në takimin në këndvështrimin tim konstruktiv, pavarësisht mosdakordësisë që kemi.

Unë nuk pata dhe nuk kam asnjë objeksion pse për Sandër Lleshin u kërkuan letra si për asnjë ministër në historinë e ministrave, në adresa të pavizituar në asnjë adresë më parë. Ai la pa dekretuar pavarësisht
pastërtisë së figurës, mos është kjo pastërti kaq skënderbagase që e shqetëson Ilir Metën.

Gjendja e dëshpëruar e opozitës e shqetëson me të drejtë Presidentin e Republikës, koha e plotë që mori duke shfrytëzuar edhe minutat e fundit të 7 ditëve, për Sandër Lleshin as kino SHQUP-­i nuk bëri ndonjë
video apo audio, por qoftë edhe ndonjë llaf, e kjo nuk është pak si fillim i mbarë për një ministër të brendshëm, ndaj unë nuk e kam humbur besimin se Presidenti nuk e ka thënë akoma fjalën e fundit,
edhe pse afati ka skaduar.

Ashtu si nuk e kisha humbur besimin që një figurë e pastër e kyçur në sirtarin e tij për një vit do të dekretohej, edhe pse llafet e pazarit që i hedhin përditë kazanit mediatik në 360 gradë.

Sot ai u dekretua, unë e përshëndes dhe i uroj të vijojë punën e nisur dhe ta çojë me shpejtësi përpara reformimin e thellë dhe më forcoi shijen e mirë të takimit që pata me Presidentin. Edhe pse është e qartë që nuk ishim e nuk jemi në një mendje lidhur me arsyen e mos arsyes së dekretimit të ministrit të Brendshëm.

Ky është moment delikat se është vënë në pikëpyetje një ekuilibër i rëndësishëm uroj me gjithë zemër që kjo të mos bëhet një qëllim që shkon përtej dekretimit të Sandër Lleshit.

Unë e di shumë mirë që vendi ka parë shumë e shumë, kryeministra që talleshim me presidentët, apo i thoshin horr bulevardi, ka parë President që nuk mblidhnin këshillin e sigurisë se nuk u shkonin, apo
që betoheshin me mustaqe e pastaj shërbenin të rruar.

Edhe ne kemi tonat, nuk jemi pa të sharë, krisja në këtë rast nuk është personale, as politike, por kushtetuese. Ne jemi këtu dhe do bëjmë çmos për ta ngjitur, uroj që të gjendet dhe nga ana e Presidentit dëshirën dhe durimin që të mos e çojë krisjen në thyerje, por është në të mirë të tij dhe të gjithëve që ta shmangim.

Nëse Kushtetusja nuk do të ishte në reformim, nuk do ishim përpara kësaj vështirësisë që sa është artificiale është edhe serioze, por flakti që mungon Kushtetuesja, që punohet ditën dhe natën për ta bllokuar reformën në drejtësi, nuk është mungesë e pakapërcyeshme për ne, duhet vetëm të kemi dëshirën për mirëkuptim dhe e kemi. Durimin për ti dhënë zgjidhjen në radhë të parë me mirëkuptim dhe e kemi, vendosmërinë për të arritur qëllimin, është baza e ekzistencës mbrojtja e kushtetutës dhe e kemi dhe mungesa e Kushtetueses është e kapërcyeshme.