Moska akuzon SHBA dhe BE për tensionet në veri të Kosovës
Rusia ka akuzuar Shtetet e Bashkuara dhe Bashkimin Europian për përshkallëzimin e tensioneve në Ballkan duke theksuar se me shqetësim po ndjekë situatën në veri të Kosovës pas përplasjes me protestuesit serbë që kanë kundërshtuar kryetarët shqiptarë të komunave në marrjen e detyrës në veri ku serbët janë shumicë.
“Me vendosmëri dënojmë hapat provokues të Prishtinës, që kanë sjellë këtë situatë duke kërcënuar sigurinë e gjithë Ballkanit,” tha zëdhënësja e ministrisë ruse të Mbrojtjes, Maria Zakharova duke përcaktuar dhe përgjegjësit.
“Përgjegjësinë e plotë për këtë situatë e kanë Shtetet e Bashkuara dhe Bashkimi Europian,” tha Zakharova duke përfunduar:
“Ndërmjetësit perëndimor janë kujtuar vonë të qortojnë Kosovën!”
Ndonëse shihet qartë se Moska vazhdon të bëjë politikë me këtë konflikt, për të mos thënë e painformuar, Perëndimi vazhdon dhe i bënë presion vetëm Kosovës, ky Perëndimi i Zakharovës i cili ka harruar që në këtë konflikt është vetëm një agresor dhe ai quhet Serbi!
Ndryshe, pas SHBA dhe BE, sot dhe analistët e laboratoreve që ideojnë politikan e jashtme të këtyre dy superfuqive sot kanë vazhduar ta akuzojnë Kryeministrin Albin Kurti për aksionin e djeshëm të futjes së kryetarëve të zgjedhur në komunat me shumicë serbe në veri.
Ndërsa NATO sot i ka bërë thirrje thirrje institucioneve në Kosovë të shtensionojnë menjëherë situatën ndërsa të gjitha palëve që të zgjidhin situatën përmes dialogut.
