Moskë, shuhet spiuni i dyfisht britanik, George Blake

Spiuni i famshëm, agjenti i dyfisht britanik, George Blake, i cili ka spiunuar për KGB-në sovjetike gjatë viteve 1950 para se të kalonte në Lindje, sot ka ndërruar jetë në moshën 98 vjeçare.

“Sot ka vdekur informatori legjendar George Blake. Sinqerisht e donte vendin tonë, admironte aktet tona heroike gjatë luftës së dytë botërore,” tha zëdhënësi i Shërbimit Sekret Rus, SVR, Sergej Ivanov, raporton Agjencia e lajmeve France Presse.

Ish anëtari i rezistencës në Holandë gjatë luftës së dytë botërore dhe më pas agjent i shërbimit sekret britanik MI6, gjatë Luftës së Ftohtë, George Blake, i ofroi sovjetikëve shërbimet e tij në vitet 1950, pasi dëshmoi për bombardimet amerikane të popullsisë civile në Kore.

George Blake është agjenti i fundit nga gjenerata e famshme e spiunëve të dyfisht britanik. Jetoi në Rusi që nga epoka sovjetike.

KGB dha emrat e qindra agjentëve dhe zbuloi tunelin sekret në Berlinin Lindor për spiunimin e sovjetëve. 

E tradhtoi agjenti i dyfisht polak dhe në vitin 1961 u dënua në Britaninë e Madhe me 42 vjet burg.

Pesë vjet më vonë arriti të arratiset nga burgu dhe kaloi në Gjermaninë Lindore e më pas në Moskë.