Moti i keq, Autoriteti Portual: Anulohen lundrimet Durrës-Bari-Durrës

Për shkak të kushteve të motit në Detin Adriatik, Autoriteti Portual Durrës informon se lundrimet e parashikuara për ditën e sotme në linjën Durrës–Bari dhe Bari–Durrës janë anuluar.

Ndërkohë, trageti i linjës Ankona–Durrës do të niset sipas programit pasditen e sotme nga Ankona, me mbërritje në Portin e Durrësit ditën e nesërme.

Autoriteti Portual Durrës do të vijojë të informojë publikun dhe udhëtarët në kohë reale për çdo ndryshim të orareve të lundrimeve.