Moti i keq/ Përmbyten edhe 60 Ha në Shkodër, rrugët e Obotit dhe Shirqit nën ujë

Mëngjesi i sotëm e gjenë Qarkun Shkodër edhe me 60 Ha tokë të përmbytur si pasojë e motit të keq që nga ora 18:00 e ditës së dielë duke çuar kështu sipërfaqet e përmbytura në gjithsejë 1400 Ha.

Në rrugën Shirq-Darragjat dhe atë të Obotit ka prezencë uji ku vetëm nga ora 18:00 e së dielës shtohen dhe 15 shtëpi duke e çuar në 45 numrin e shtëpive me lëvizje të kufizuara për shkak të pushtetit të ujit.

Ndërsa ujësjellësi Oblika 1 është jashtë funksionit.

Ndërkohë IGJEUM për sot parashikon reshje shumë intensive në Qarqet Gjirokastër dhe Vlorë, ku mund të ketë vërshime të shpejta të lumenjëve të vegjël malorë dhe rrëshqitje të dherave ndërsa në zonat urbane, në këto qarqe mund të shfaqen probleme me përmbytje të lokalizuara.

Njoftimi:

Situata në Bashkine Shkodër, në oren 08.00 të datës 23.01.2023 paraqitet si më poshtë:

Niveli i lumit Drin (hidrometri ura e Bahçallekut) shënon kuoten 5.85 ka rënie  me 45 cm me orën 18.00 te datës 22.01.2023 ( kuota max 7.50 m )

Niveli i Liqenit ( hidrometri ura e Bunes) shënon 8.40 m ka rënie  prej 10 cm me orën 18.00 të datës 22.01.2023 ( kuota max 8.70 m ).

Sipërfaqja totale e përmbytur ne Bashkine Shkodër është 1400 Ha, e rritur me 60 Ha me orën 18.00 të datës 22.01.2023

Njësia Administrative Ana e Malit 1300 Ha e përmbytur.

Rruga e Obotit ka prezencë uji 65 cm, ka rënie me 15cm me orën 18.00 e datës 22.01.2023

Ujësjellësi Oblika 1 është jashtë funksionit.

Ka prezencë uji në oborre në 15 banesa të fshatit Obot, nga 30 banesa që ishin ne oren 18.00 te datës 22.01.2023

Në rrugën e Obotit po operojnë  dy mjete të kalueshmërise së lartë së bashku me 7 forca të ushtrisë.

Njësia Administrative Dajç 100 Ha tokë bujqësore .

Në vendin e quajtur Urrelat e Shirqit , rruga Shirq-Darragjat ka prezencë uji në rruge 30 cm, për momentin rruga është e pakalueshme me mjete, ka rënie të nivelit prej 40 cm.

Grupet e EC te Bashkise Shkoder jane në monitorim të vazhdueshëm të situatës.