Moti i keq, rikthehen problemet në Tropojë dhe Pukë! Emergjencat dhe ARRSH raportojnë…

Moti i keq me reshje shiu dhe stuhi kanë rikthyer problemet që u shfaqën gjatë reshjeve të fundit në Tropojë, Pukë dhe Shkodër ndërkohë janë dëmtuar gjatë mbrëmjes ura, linja ujësjellësi dhe mullinj bloje ndërsa sot raportohet edhe për ndërprerje të energjisë elektrike.

Emergjencat Civile në qarkun e Kukësit duke dhënë detaje në lidhje me problematikat e krijuara nga moti me reshje të dendura shiu thekson se në Tropojë ka probleme me furnizimin e banorëve me energji elektrike.

Nuk furnizohen me energji elektrike si me poshte: Nj.Ad Bytyç, fshatrat Pac, Vlad, Zherkë, Berishë; Nj.Ad. Llugaj, Fshati Luzhë; Nj.Ad.Tropojë e Vjetër, Fshati Shumice, Zona Shipshanit, Fshati Kasaj, Fshati Lugizi dhe Qafë- Morinë.

Po punohet per rikthimin e energjise. E gjithe pjesa tjetër e territorit të Bashkise Tropojë,furnizohet me energji elektrike.

Situata në Bashkine Tropoje  është si më poshtë:

Situata e motit është shoqëruar me reshje shiu. Nga informacionet e marra nga terreni rezulton se trugët nacionale janë të kalueshme normalisht.

Nga kontraktorët vazhdon të punohet gjatë gjithë  kohës për pastrimin e rrugeve per mbajtjen funksionale të tyre.Rrugët rurale në administrim të bashkive janë të kalueshme. Furnizimi me  ujë të pijshëm është normal.

Deri në këto momente nuk kemi të raportuar ndonjë problematikë emergjente,ngelemi ne kontakt.

Rezervuaret po mbahen nen monitorim me shkarkuesit normal.Situata në bashkinë Has sot pas reshjeve të shiut duket e qetë.

Sipas informacioneve të marra, rrugët nacionale dhe ato rurale janë te kalueshme pa problem gjithashtu kontraktoret janë gjatë gjithë kohēs në terren duke pastruar kryesisht konetat për mosbllokimin e tyre.E gjithë bashkia Has furnizohet me ujin e pishëm dhe energjinë elektrike normalisht.

Vazhdon Monitorimi i rezervarëve nga bashkia ku situata është e qetë. Edhe në Bashkinë Kukës situata është e qetë dhe deri më tani nuk ka probleme si pasojë e situatës së motit pasi edhe rreshjet e shiut janë me intesitet të ulët.

Në Pukë, shirat e dendur kanë shkaktuar dëme në disa akse rurale ndërsa prurjet ujore kanë dëmtuar dhe elementë të tjerë të infrastrukturës rrugore. Në disa fshatra raportohen të dëmtuara ura, linja ujësjellësi dhe mullinj bloje derisa institucionet lokale raportojnë se po merren masa për kthimin në normalitet.

Ndërkohë dëmtime janë shënuar edhe në Mirditë. Reshjet e shiut që filluan prej pasdites së djeshme kanë shkaktuar rrëshqitje dherash në aksin Rrëshen-Bukmirë por rruga vijon të jetë e kalueshme për automjetet.

Në bashkinë Shkodër nga reshjet nuk ka dëme. Vetëm në rrugën e Dukagjinit ka pasur rrëshqitje dherash e gurësh për të cilat do të punohet sot përmes një fadrome për largimin e tyre. Ndërkohë në Theth një natë më parë pati prurje të shumta të lumit të Shalës, por pa pasoja të rënda. Ura që lidh fshatin Theth me Ndërlysaj nuk është dëmtuar nga reshjet, por firma që po punon për rrugën e re atje, ka ndërhyrë pasi do të bëjë rikonstruksionin e plotë të urës. Në pjesën tjetër të njësite nuk raportohen dëme, por në disa zona ka pasur shkëputje të energjisë si pasojë e linjave të amortizuara.

Pas reshjeve me intensitet që kanë përshkuar të gjithë vendin gjatë natës, për gjendjen e rrugëve ka raportuar Autoriteti Rrugor Shqiptar duke bërë të ditur se në Rajonin Verior reshjet kanë qenë me intensitet më të lartë duke sjellë rënie gurësh e inertesh në trup të rrugës si, në: Tamarë-Vermosh, Hani Hotit-Tamarë, në Valbonë nga km 3 deri në km 10.

Në aksin Bogë-Theth ka pasur probleme me prurjet e përrenjve në trup të rrugës tashmë janë pastruar dhe aksi është i kalueshëm pa probleme

Kontraktorët e mirëmbajtjes me mjete e punëtorë janë në terren pa ndërpreje për të mbajtur gjendjen e akseve në normalitet, thekson ARRSH.