Mrekullia buzë greminës/ Nga kamioni i varur, shqiptari del shëndoshë e mirë. Ja detajet…

Mrekullia. Kjo ndodhi sot në mëngjes me shoferin shqiptar të një kamioni, i cili u përfshi në një aksident të rëndë në Savona të Italisë, raportojnë mediat italiane.

Për arsye që mbeten akoma të paqarta, shoferi shqiptar humbi kontrollin e kamionit dhe u përplas me bordurën anësore të rrugës. Kamioni siç duket edhe në foto, nuk ka rënë i gjithi në greminë, por vetëm një pjesë e tij është shkatërruar, e për fat të mirë, shqiptari, emri i të cilit nuk dihet, ka shpëtuar mrekullisht pa asnjë dëmtim.

Ai ka arritur të dalë me këmbët e veta nga kabina e dëmtuar e kamionit që kishte mbetur gjysmë varur në cep të rrugës.

Sipas mediave italiane, zjarrfikësit dhe policia janë habitur kur shkuan në vendngjarje dhe panë skenën, e më pas të riun shëndoshë e mirë.