Mungesë e financave, Luçiano Boçi: Pas 10 viteve nuk do të ketë më mësues!

Pas 10 viteve nuk do të ketë më mësues! Alarmi erdhi në Komisionin e Edukimit dhe Mjeteve të Informimit Publik nga deputeti i Partisë Demokratike, Luçiano Boçi, duke saktësuar se arsimimi ka humbur në Elbasan, Shkodër dhe në Gjirokastër, për shkak të mungesës financiare ndërsa pyeti ministren se Arsimit, se cilat janë paketat financiare për të shpëtuar arsimin e lartë.

“Duhen 8 vite të prodhosh një mësues. Një investim i jashtëzakonshëm. Për 10 vite del një mjek. Sot nuk kemi më prodhim mësuesish. Pas 10 viteve kjo shoqëri do të ketë krizë mësimdhënie dhe nuk do të ketë më mësues,” tha Luçiano Boçi duke përfunduar:

“Merrni ekselentët, paguani për të mbrojtur degët për mësuesit e rinj. Merrni ekselentët. Shihni pagat për pedagogët sepse janë mjerane. I keni harruar studentët dhe mbështetjen financiare për ta.”