Musmanno për Lulzim Bashën!

nga Agim Popoci

Kur e përditshmja amerikane “New York Times” përmes rrjetit social Twitter pyeti lexuesit nëse do ta vrasin bebin Hitler, sikur të kishin mundësi të kthehen në kohë, opinioni u trondit, kandidati për president Jeb Bush me krenari tha “Po!” ndërsa Ben Carson  ftohtë u shpreh se është kundër abortit.

Pas situatës së krijuar në Partinë Demokratike dhe kaosin që lideri i saj shkaktoi në jetën politike, sot kur Sali Berishës nuk mund ti bëhet më pyetje për “të birin politik” meqë Lulzim Basha më 8 Janar shkërmoqi mitin komunist të “Saliut vrasës” me krimin në ballkonin e Zyrës së tij, duke zbërthyer dhe rebusin shqiptar pa u kthyer në kohë se kush është ai që është në gjendje të vras për karrige, e ardhmja e PD që është dhe shqetësimi aktual i atyre që e duan Shqipërinë mund të qartësohet duke analizuar misionin e gjyqtarit amerikan të procesit Nürnbergut, Michael Musmanno, i cili u finalizua me dokumentarin “The Day Hitler Died”.

Qindra dëshmi të gjyqtarit amerikan të procesit Nürnbergut, Michael Musmanno, në përpjekje për të dëshmuar nëse Hitleri kishte vdekur faktoi ditët e tij të fundit në Führerbunker, që e përditshmja gjermane “Der Spiegel” i kishte përmbledhur në një emision special i cili përfundoi si dokumentar.     

Për fat të keq ngjashmëria e Führerbunker është e frikshme me Bashabunker dhe për fat të mirë deri më sot Lulzim Basha nuk vret por vetëm po shkarkon nga partia ata që mendojnë ndryshe nga ai, ose nuk e urrejnë deri në vdekje Sali Berishën!  

Kur filloi procesi i Nürnbergut, gjashtë muaj pas përfundimit të luftës, shumë prej tyre nuk ishin të sigurt nëse Hitleri vërtetë ka vdekur. Në qarkullim ishte thashetheme rus se diktatori kishte braktisur Berlinin, e kur Presidenti amerikan Harry S. Truman e pyeti liderin sovjetik në konferencën e Postdamit nëse Hitleri ka vdekur, Stalini ishte i prerë: Jo!

Kështu gjyqtari amerikan i procesit Nürnbergut, Michael Musmanno, në vitin 1947 u nis në misionin e tij për të dëshmuar nëse Hitleri ka vdekur dhe për dy vite intervistoi mbi 100 pjesëtarë të ushtrisë e punonjës civil të Hitlerit që kishin mbijetuar dhe ishin protagonistë të ditëve të fundit të diktatorit në Führerbunker. Musmanno ndërroi jetë në vitin 1968, familja e tij vendosi që këtë trashëgimi ti dhuroi Universitetit Duquesne në Pittsburgh ku ne sot me 22 intervista të dëshmitarëve mund të kuptojmë jo vetëm ditët e fundit të diktatorit deri në vetëvrasjen e 30 prillit 1945.

Opinioni shqiptar u trondit në prag të 8 Janarit me bunkerizimin e selisë së Partisë Demokratike me urdhër të Lulzim Bashës, sekretari i tij Gazment Bardhi e përgënjeshtroi por pas pamjeve që u transmetuan nga një televizion, Basha u mundua ti tregoj opinionit përmes mbledhjes së Kryesisë se asgjë e panatyrshme nuk po ndodhë në selinë e PD në prag të 8 Janarit! 

Po, shqiptarët ishin tronditur por nuk ishte një gjë e paparë. Dëshmitarët e Musmannit kanë kujtuar se më 20 Prill, në ditëlindjen e tij të 56-të, Hitleri doli nga bunkeri për të ndarë ca dekorata për rininë heroike në mbrojtjen  e Berlinit kundër sovjetëve. Kujdes, Hitleri në këtë dalje përshëndetë të rinjtë dhe duke u rrahur krahët i përgëzon, siç bënë edhe Basha, dhe në fund largohet për të mos dal më nga bunkeri.   

Hitleri mbante mbledhje në një dhomë me 15 gjeneralë, e njëri ndër protagonistët ishte dhe Baroni von Loringhouen, i cili Musmannit i ka rrëfyer diçka që ne po shohim sot:

“Askush nuk guxoi as ti përmend humbjen Hiterit. Nëse do ta bënin një gjë të tillë, mund ti priste vdekja. Madje edhe e gjithë familja do të ishte e rrezikuar. Ai vazhdonte të shpresonte në armën sekrete, si dhe përçarjen ndër Aleatë,” thekson aristokrati i njohur gjerman i cili nuk jeton më por Lulzim Basha po, dhe ata që kishin guximin ti përmendin humbjen pas 25 Prillit sot nuk janë më në PD ndërsa shpresën në përçarjen e Foltores ai e ruajti me fanatizëm deri në momentet e fundit të 8 Janarit.

Sekretarja e Hitlerit, Getraud ‘Traudl’ Jungle, e cila i kishte shërbyer plotë 22 vjet, thotë se çdo ditë që sovjetët po afroheshin dëgjoheshin fjalë për vetëvrasje.

“Pas 22 Prillit, shpesh fliste për vetëvrasje. Dhe në atë mënyrë sa nuk kishte dyshim se vdekjen e kishte afër. Planifikonte të merrte helm, dhe njëkohësisht të vritej me armë,” sqaroi Jungle duke shtuar se ai urdhëroi që ti zbrazej kasaforta dhe të digjen përmbajtja e tyre përveç revoles së tij besnike Walther PPK 7.65.

Më 23 Prill, ministri i propagandës së Hitlerit, Joseph Goebbels dhe bashkëshortja e tij Magda deklarojnë se nuk duan të jetojnë nëse Führeri nuk është gjallë, dhe gjatë gjithë ditës kanë folur se si duan të vdesin. Dhe, vendosën që të helmohen së bashku me gjashtë fëmijët e tyre.

Skenar dhe propagandë e parë në mbrëmjen e 7 Janarit në Tiranë, me makina që largonin dokumente, Zyrën e propagandës që ia shpifi edhe WhatsApp-it me aq shumë postime sa prodhonte ndërsa diktatori gjerman kishte revolen besnike, Luli si “evropian” vazhdon ta mbajë revolen e tij të çmuar që nuk është Walther PPK 7.65 por frymor, Kunatin!

Më 28 Prill, në orën 22:00, sovjetët ishin vetëm 500 metra nga bunkeri, Hitleri merr vesh se shefi i SS, Heinrich Himmler, e ka tradhtuar dhe po bënë pazare me amerikanët, u çmend, dhe sipas von Loringhouen, urdhëroi që përfaqësuesi i Himmlerit në bunker, gjeneral Fegelein, të vritet.

Një çmenduri të tillë shqiptarët kishin rastin ta shohin “live” në ballkonin e Zyrës së tij, kur aty arritën 4 demokratë dhe nga zyra e Bashës dolën si rrufe 4 truprojet e tij që pasi i mbytën në gaz lostsjellës i vdiqën edhe në dru. Si shpëtuan nga goditjet e shkopave të bejsbollit në kokë, këtë vetëm një Zot e di, kriminelët që iu bindën urdhrave të Lulzim Bashës, patjetër që jo!

Për të vazhduar krimin e Lulzim Bashës dhe zhvillimet në Bashabunker, këtë realitet shqiptar do të na sjellë një ditë, një “Michael Musmanno” që do të arrijë të mbledhë dëshmitë e protagonistëve të kësaj ngjarje kriminale e cila përkundër gazit lotsjellës pa fund dhe helmit nga zjarrfikset që përdorën të bindurit e Bashës, nuk arritën të parandalojnë “thyerjen” e bunkerit; Ku, pas futjes së demokratëve në portën e parë të Bashabunker, Lulzim Basha thirri varkën e tij të shpëtimit, Edi Rama, që ti shpëtoi nga ata që mendojnë ndryshe nga diktatori i partisë së lirisë!

Se çfarë ka ndodhur më 29 dhe 30 Prill 1945, “The Day Hitler Died” bazuar në dëshmitë e Michael Musmanno e sqaron në detaje. Magda Goebbels i ka sugjeruar të ikin nga bunkeri, Hitleri u çmend fare kur mori vesh mbi vdekjen e Mussolinit, ai dyshonte në helmin që mbante dhe e provoi në qenin e tij besnik, Blondi, kur sovjetët ishin vetëm 200 metra afër bunkerit Adolf  Hitler dhe Eva Braun drekuan me Jungle, lideri i të rinjve të Hitlerit, Arthur Axmann, nuk arriti ta shoh më ndërsa SS personal i Hitlerit, Otto Günsche, së bashku me Goebbelsin e gjetën  Eva Braunin dhe Hitlerin të vdekur. Ajo nga helmi, Hitleri i kishte gjuajtur vetes në gojë.

Në orën 16:00, shoferi shumëvjeçar i Hitlerit, Erich Kempka, nxori nga bunkeri dy trupat e pajetë, u hodhi benzin dhe i dogji. Trupat e tyre i zbuluan ushtarët sovjetik më 2 Maj 1945 së bashku me ato të familjes Goebbels. Edhe pse Musmanno të gjitha detajet e hetimit i kishte dorëzuar amerikanëve, autoritetet e kanë shpallur Hitlerin zyrtarisht të vdekur, shkruan Daily Beast, më 1956.

Ndërkohë demokratët duke mos i uruar kriminelit Lulzim Basha fatin e Hitlerit edhe në ato çaste tmerri në partinë e tyre të lirisë, e panë diktatorin e tyre në Bashabunker duke festuar pasi ata u mbytën në tym nga gazi lostjellës në selinë e PD, 12 prej tyre iu drejtuan spitaleve dhe shumë prej tyre lumit Lana!

Gjithsesi, pavarësisht se si u zhvilluan ngjarjet, deklaratave të pavërteta të Lulzim Bashës dhe Gazment Bardhit dhe fundin politik që i dha Basha vetes, ata nuk e kanë humbur shpresën se një ditë do ta zbulojnë të vërtetën e 8 Janarit; Ashtu siç u zbulua e vërteta e Führerbunkerit, dhe pak rëndësi ka se si do të quhet Musmanno i bunkerit të Lulzim Bashës!