“Muzgu i zi për pushtetin”, Basha në protestë: Banda e Edi Ramës, oligarkët dhe…
Po bie muzgu i zi për bandën kriminale në pushtet. Po bie muzgu i zi për bandën e korrupsionit, padrejtësive dhe krimeve të përditshme ndaj shqiptarëve, tha Kryetari i Partisë Demokratike, Lulzim Basha, në Protestën e Madhe të opozitës të cilën nuk e ka ndali as dhuna dhe terrori policore dhe as reshjet e shiut e shiut, ndërsa kjo mbrëmje dëshoi se nga protesta në protestë të opozitës, numri I qytetarëve që protestojnë është në rritje të frikshme.
Arsyeja është e thjeshtë, ky vend vazhdon të qeveriset nga një Kryeministër i papërgjegjshëm që vazhdon e vidhet nga hajdutët qeveritarë ndërkohë arrestohen proetstuesit. Dhe, që nga koha e pushtuesve më mizor, thekson Lulzim Basha, nuk kanë parë shqiptarët një bandit kaq kriminel dhe barbar ndaj popullit, një njeri që do të hyjë në histori si njeri që hodhi gaz në shtëpitë e qytetarëve.
“Ky muzg është muzgu i bashkimit më të madh të shqiptarëve mbi rrënojat e pushtetit kriminal të Edi Ramës. Rama ik!
As gazi lotsjellës, as propaganda e shfrenuar nuk na ndal dot, nuk na përçan dot. Shqipëria është e bashkuara. Kjo është Shqipëria e burrave dhe grave, e myslimanëve dhe të krishterëve, e të djathtës dhe të majtës, që i thonë shporru, largohu, Rama ik! Kjo është Shqipëria e vërtetë e qindra mijëra halleve të shtuara nga një kryeministër që asnjë ditë të vetme nuk i dëgjoi hallet e shqiptarëve sepse ata punojnë për vete, për oligarkët, për armiqtë e popullit shqiptar”.
Kjo protestë, tha Kryetari i Partisë Demokratike, tregon se Shqipëria ka ndryshuar një herë e përgjithmonë.
“Kjo protestë është prova më e qartë se Shqipëria sot ka ndryshuar një herë e përgjithmonë. Banda e Edi Ramës, oligarkët dhe mediat e blera nga pushteti duan t’ju thonë se kjo nuk është një betejë e vërtetë, për jetën tuaj. Sot dua ta deklaroj me zërin tim, vullnetin tuaj dhe vullnetin tim, PD, LSI-së, PDIU, PBDNJ-së, të gjithë partive tona në koalicionin e shumicës së re,” tha Lulzim Basha duke folur në Bulevardin Dëshmorët e Kombit, ndwrsa e bëri të qartë se nuk do të këte asnjë kompromis apo marrëveshje, por vetëm largimi i Edi Ramës:
“Ne jemi në këtë betejë jo vetëm për kalkulime elektorale, por për ju, pavarësisht bindjeve politike. Të garantojmë që kurrë më vota juaj të blihet e të shitet, taksat tuaja të mos vidhen që të përfitojnë një grup oligarkësh, të shembim nga themelet këtë sistem të kalbur deri në palcë.
Ne jemi bashkë këtu jo thjesht për të larguar Ramën, pasi Rama ka mbaruar. Rama është një kufomë politike. Jemi bashkë për të shembur sistemin Rama dhe për të ndërtuar Shqipërinë e vlerave europiane. Nuk do të ketë as pazare politike, as kompromise tavolinash. Qeveri transitore pa Ramën kusht themelor.
Largimi një orë më parë, largimi i Edi Ramës, është diktati i sovranit të bashkuar. Vetëm një qeveri tranzitore që do të shkatërrojë me themel sistemin kriminal, që do të çojë para drejtësisë bandën kriminale është kushti i kushteve për zgjedhje te parakohshme. Ditë për ditë e natë për natë në sheshe si ky rezistencë, përballje e kryengritje demokratike,” tha Kryetari i Partisë Demokratike, Lulzim Basha, ndërkohë që policia po provokonte situatën, momente që u dëshmua se Ish-Gjeneral Sandër Lleshaj kishte përgatitur një mbrëmje me gaz lotsjellës dhe dhunë pa kursim.
Protesta u zhvendos para Parlamentit por menaxhimi i situatës së sigurisë u konfirmua se nuk ka të bëjë me lëvizjen apo agresivitetin e protestuesëve, por me urdhërat e çuditshëm që merrnin policët nga titullarët që njohin vetëm rivalët politikë të Kryeministrit Edi Rama.
