Nafijet n’PD
nga Agim Popoci
Bota i njeh si ekspert të komunikimit ndërsa anëtarësia e Partisë Demokratike si Nafije! Jo ato nga “Gjuetia e fundit” por reale, që vijnë sapo vjen aromë pushteti në PD!
Sot Nafijet e PD e identifikojnë Lulzim Bashën si politikan europian, lider i përgjegjshëm dhe serioz dhe Edi Ramën, si përfaqësues i politikës së konfliktit; Ndonëse i tillë ishte Basha që nga momenti kur shkeli në politikë por këto Nafije nuk ishin asgjëkundi!
Sot këto Nafije nuk kanë as turp që kanë shërbyer në mediat armike të Partisë Demokratike, as që i takojnë ekstremit të majtë sepse këtë gjë kanë bërë gjithmonë, madje kanë perfeksionuar Nafijen e Sulo Gradecit të Devoles, dhe vijnë si shefe për ideuar komunikimin masiv të së djathtës shqiptare.
Kështu, falë Nafijeve që sot mbajnë frenat e komunikimit në PD, 12 ditë para ditës së gjykimit, shqiptarët kanë krijuar idenë se kjo parti ekziston vetëm për të varfër.
Nafijet e PD servirin familjet e varfra shqiptare pa bukë, pa ilaçe dhe pa kulm mbi kokë duke fajësuar për gjendjen e tyre Edi Ramën. Po, në masën më të madhe Rama është fajtor, por Nafijet e PD nuk thonë se çfarë do ndodhë me Edi Ramën pse Samir Mane, Qet Kastrati, Klodian Allajbeu etj. janë pasuruar!
Jo pse kjo treshe e komunikimit, shokë dhe miq kanë vetëm samir manet dhe kastratët shqiptarë, jo pse dikush shpreson që pasuria e tyre e paligjshme edhe do të konfiskohet, por si është e mundur që nuk gjejnë asgjëkundi një njeri të ndershëm që ka krijuar pasuri nga politikbërja e së djathtës dhe ia vlen të promovohet.
Por, shqiptarët shohin vetëm varfëri dhe tmerr që jo vetëm Qeveria e ardhshme e Lulzim Bashës por as ajo e SHBA, nuk ia del mbanë.
Nafijet e PD servirin Kryeministrin Edi Rama në shoping në New York dhe Lali Erin me atlete 1.300 euro. Ndoshta këto eksperte idiote të komunikimit dinë të bëjnë shumë punë të tjera jomediatike, por votuesi i ri shqiptar apo ai nga zona gri nuk është prift por qytetar i vitit 2021, i cili më shumë preferon atlete 1.300 euro ose pronarin e saj, ose dhe atë që bënë shoping në New York, se sa një Kryeministër që pretendon të bëhet drejtues i një fondacioni bamirësie! Sepse, me logjikë të ftohtë, Shqipëria nuk është manastir por një shtet në tranzicion i dalë nga diktatura, ku shumë duhet të punohet në ndërtimin e një ndërgjegje të pastër qytetare, madje shumë larg asaj që kanë dhe Nafijet n’PD!
Por Nafijet e PD kujdesen edhe për detaje të çuditshme të imazhit të Partisë Demokratike. Falë injorancës së tyre, ato promovojnë edhe ca qytetarë që i quajnë “socialistë të ndershëm” dhe janë të gatshëm të heqin dorë nga PS për shkak të pakënaqësisë me Edi Ramën. Kuti i matjes së një socialisti të ndershëm është kuriozitet për çdo të përndjekur politik dhe jo vetëm, i cili ndonëse komunizmi ka rënë që 30 vjet, nuk arrijnë të gjejnë qoftë dhe një komunist të konvertuar në socialist, i cili dënon bëmat e regjimit të frikshëm të Enver Hoxhës!
Sot, që ka socialistë të ndershëm që do ta votojnë Partinë Demokratike, kjo mund të vërtitet vetëm në kokat e tredhura të Nafijeve që vazhdojnë të jenë në shërbim të Klan dhe TCH.
Në këto koka vërtitet dhe një Ilir Metë që e do Partinë Demokratike dhe Lulzim Bashën Kryeminstër si dhe humbjen e Partisë Socialiste. Meta mund të ketë edhe shumë vite jetë në politikë, por si votues kurrë nuk do ti bëjë dëm PS-së pavarësisht arsyes madhore që mund ti dalë para! Dhe, ky nuk është problem i PD ose Nafijeve në këtë parti që vazhdojnë dhe e përdhunojnë Partinë Demokratike dhe demokratët me urdhër nga lartë, por atyre që e besojnë!
Imazhi i Metës përballë Edi Ramës kurrë nuk ka qenë dhe nuk do të jetë problem i Partisë Demokratike. Nëse Nafijet n’PD vërtetë e kanë këtë problem, mund ti bashkohen atij kontigjenti të Partisë Demokratike që për të ruajtur vendin e punës në vitin 2013, u bë pjesë e LSI-së. Një rrugë dhe dy punë! Vazhdojnë të shqetësohen për Ilir Metën në luftën e tij me Edi Ramën, dhe i lirojnë vendin një demokrateje që në PD nuk vjen të punësohet, as ti shërbej Sandrit ose Sigurimit të Shtetit, por thjeshtë me mish e me shpirt është demokrate!
Në fund, sot demokratët duhet të jenë të qetë duke e pranuar se sa të jetë jeta do të ketë dhe Nafije, por kurrë nuk duhet të lejojnë që Nafijet të jenë dhe promovueset e idealit të tyre, ndryshe Atdheu do të vazhdojë të jetë ai i vitit 1945 dhe do të drejtohet nga Beogradi!
