Natë e keqe amerikane/ Trazira në të gjithë vendin, biznese të dëmtuara dhe të paktën 3 të vdekur. Ndërhynë Garda Kombëtare!

Presidenti i SHBA, Donald Trump, bëri të ditur sot se qeveria e Shteteve të Bashkuara do ta shpallë grupin e majtë Antifa, organizatë terroriste.

“Shtetet e Bashkuara të Amerikës do ta shpallin ANTIFA-n Organizatë Terroriste,” tha Presidenti Trump përmes rrjetit social Twetter.

Ky vendim i Presidentit Trump vjen pasi ai fajësoi Antifan dhe grupet tjera radikale të majta për trazirat që po ndodhin në të gjithë vendin, pas vdekjes së afroamerikanit George Floyd më 25 maj ndërsa ishte në paraburgim në Minneapolis.

Natë e keqe

Dhjetra qytete në Shtetet e Bashkuara mëngjesin e sotëm ishin të frikshme pas një nate të zymtë me trazira të dhunshme që lanë të paktën tre të vdekur, dhjetëra të plagosur, qindra të arrestuar dhe ndërtesa dhe biznese në gërmadha, të gjitha këto, siç raportohet, pas protestave për vdekjen e një afroamerikani në Minneapolis me rastin e arrestimit nga policia.

Ndonëse Kryetarët e bashkive të qyteteve të mëdha vendosën orë policore, guvernatorët në disa shtete vendosën Gardën Kombëtare në një përpjekje të dëshpëruar për të frenuar kaosin dhe shkatërrimin, dhe megjithëse incidenti i së hënës në Minesota që shkaktoi trazirat, çoi në një polic të akuzuar menjëherë për vrasje dhe të arrestuar, dëmi duket se arriti të kulmojë mbrëmjen e së shtunës u shpërnda nga bregu në bregdet, duke mos rezulutar me një revoltë popullore thjeshtë për një vrasje.

Në Brooklyn, N.Y. të paktën 200 njerëz u arrestuan dhe oficerë të panumërt u lënduan. Në Beverly Hills, Calif, dyqanet përgjatë Rodeo Drive u grabitën ndërsa një turmë prej më shumë se 2.000 njerëzve në shkatërrim e sipër brohorisnin: “Hani të pasur!”

Policët nën shënjestër

Protestat u nxitën nga vdekja e George Floyd më 25 maj. Ai vdiq pasi një polic i Minneapolis, Derek Chauvin, u pa duke e shtypur në qafë me këmbë, e video u bë virale. Chauvin është pushuar nga puna dhe është akuzuar për vrasje të shkallës së tretë, dhe Departamenti i Drejtësisë i SHBA po heton çështjen.

Turmat në të gjithë vendin me pretekstin e incidentit me urrjetje racore kërkuan drejtësi. Por protestat u bënë gjithnjë e më të dhunshme, e klumi arriti me masakrën e fundjavës.

Në New York, një grua u akuzua për tentativë vrasjeje pasi dyshohet se hodhi një koktej molotov në një makinë të policisë në Brooklyn. Makinat u ndezën me radhë edhe në sheshin Union Square të Manhattanit, ku policët u ndeshën me protestuesë. Protestuesit u kthyen të dhunshëm pasi një video qarkulloi në internet duke treguar se si një SUV të NYPD po përplaset me një grup protestuesish në Brooklyn.

Kryebashkiaku Bill de Blasio e quajti incidentin “shqetësues”, por shtoi, “nëse ata protestues do të kishin dalë nga rruga dhe të mos kishin bërë përpjekje për të rrethuar atë automjet, ne nuk do të flisnim për këtë situatë.”

Protesta të dhunshme, vandalizëm dhe trazira u raportuan në dhjetëra qytete të tjera.

Dëmi i automjeteve të policisë dhe sulmet ndaj oficerëve të zbatimit të ligjit, mbrëmjen e së shtunës bëri që Kryetari i Bashkisë San Francisko, London Breed të shpallë menjëherë orën policore deri në orën 5 të mëngjesit në orën lokale – dhe të kërkojë që personeli i Gardës Kombëtare të Kalifornisë të jetë në gatishmëri.

“Ajo që ne po shohim sonte,- dhuna, vandalizmi dhe krimet që po kryhen në qytetin tonë, jo kundër pronës por kundër njerëzve të tjerë, kjo është diçka që ne nuk do ta tolerojmë,” tha Breed, raporton FOX News.

Nëpër gjirin e Emeryville, një destinacion i njohur për shoping, grabitësit e shfrenuar thyenin dritaret dhe vidhnin sende nga dyqanet e njohura si Best Buy, BevMo dhe Urban Outfitters.

Përveç kësaj, guvernatori i Kalifornisë Gavin Newsom shpalli një gjendje të jashtëzakonshme për Los Angeles County, raportoi FOX News.

Në shumë qytete u rritë prania e policisë ndërkohë në TV dhe media sociale filluan të qarkullojnë imazhe të rebelëve që goditen me plumba gome ose spray me gazlotsjellës.

Në Ohajo, 70-vjeçari amerikan Joyce Beatty ishte në mesin e një grupi njerëzish që u “sulmuan” me spray në përpjen e policisë për të vendosur kontrollin në Columbus, kryeqytetin e shtetit.

“Unë jam në rregull. Po përpiqesha të bëja më të mirën për të ulur tensionet,” thekson Beatty përmes rrjetit social Twitter.

I’m ok. Was just trying my best to deescalate the situation. https://t.co/7HtXR2os0y

— Joyce Beatty (@RepBeatty) May 30, 2020

Presidenti Trump dënoi trazirat duke u zotuar se do të ndalojë ato që ai i etiketon si “dhuna e turmës”.

“Kujtimi i Floydit është duke u poshtëruar nga rebelët, grabitësit dhe anarkistët,” tha Trump, duke fajësuar “Antifa dhe grupe të tjera radikale të së majtës për terrorizimin e të pafajshëmve, shkatërrimin e punëve, dëmtimin e bizneseve dhe djegien e ndërtesave.”

“The death of George Floyd on the streets of Minneapolis was a grave tragedy. It should never have happened. It has filled Americans all over the country with horror, anger, and grief.” pic.twitter.com/lirAMSv4Wo

— The White House (@WhiteHouse) May 30, 2020

Më vonë, kandidati për president nga Partia Demokratike, Joe Biden, protestat i quajti “tërësisht amerikane”, ndërsa bëri thirrje gjithashtu për t’i dhënë fund “shkatërrimit të panevojshëm”.

We are a nation in pain, but we must not allow this pain to destroy us. We are a nation enraged, but we cannot allow our rage to consume us. Please stay safe. Please take care of each other. https://t.co/Y224rANwUF

— Joe Biden (@JoeBiden) May 31, 2020

Arrin Garda Kombëtare

Në Juta, Garda Kombëtare mbërriti në Salt Lake City pasi protestat u kthyen të dhunshme.

Policia ishte në shënjestër, automjeteve policore iu vu zjarri, duke bërë që kryetari i Bashkisë së Salt Lake Lake Erin Mendenhall, të shpallë orë policore e cila do të zgjasë deri në orën 6 të mëngjesit të së hënës.

Salt Lake City cops shove down an elderly man with a cane for the crime of standing along the street: pic.twitter.com/PCLkHqQtJg

— Timothy Burke (@bubbaprog) May 31, 2020

Për policinë dhe protestuesit u raportuan vetëm plagosje të lehta.

Në Atlanta, kryebashkiaku Keisha Lance Bottoms vendosi orë policore.

Protestat vazhduan dhe policia arrestoi demonstruesit që po bllokonin trafikun.

Zyrtarët e sigurisë rrethuan shtëpinë e guvernatorit të Georgias, Brian Kemp ndërsa turma të protestuesve u mblodhën pranë rezidencës. Raportohet se është goditur me një tullë njëri prej oficerëve të policisë.

Kryebashkiaku Bottoms denoncoi trazirat.

“Kur e drejtoni atë në rrugë me një qese Gucci, kjo nuk ka të bëjë me njerëzit e zi që vdesin në Amerikë,” tha ajo duke shtuar:

“Kjo ka të bëjë me vrasjen e vetvetes kur bëjmë gjëra të tilla.”

Pas përplasjes së protestuesve me policët, shumë automjeteve të policisë raportohet se iu vu zjarri.

Përplasjet vazhduan ndonse disa prej kryebashkiakëve dhe guvernatorëve demokrat nuk përfillën sugjerimet e Presidentit Trump deri në momentin kur u bë vonë, dhe ishte vetëm një zgjidhje: Garda!

Presidenti Trump iu përgjigj protestave mbarëkombëtare duke fajësuar liderët liberalë dhe duke kërcënuar përdorimin e përfshirjes ushtarake.

Mbrëmjen e së shtunës përmes rrjetit social Twetter ai shprehet:

“Guvernatorët Liberalë dhe Kryetarët e Bashkive duhet të bëhen më të ashpër ose Qeveria Federale do të ndërhyjë dhe të bëjë atë që duhet të bëhet, dhe kjo përfshin përdorimin e forcë së pakufizuar të Ushtrisë sonë.”