NATO, Bruksel: Siguria, Shpenzimet dhe Rusia…

Sot në Bruksel mblidhen Ministrat e Mbrojtjes të vendeve anëtare të NATO-s, për bisedime dyditore ku do të përfshijnë shpenzimet e mbrojtjes brenda aleancës, misionin e saj në Afganistan dhe shkeljet e supozuara të Rusisë të një marrëveshje kontrolli mbi armët bërthamore të luftës së ftohtë, njoftoi Sekretari i përgjithshëm i NATO-s, Jens Stoltenberg.

Duke theksuar temat kryesore për diskutim, Stoltenberg tha se ministrat do të diskutojnë mbi “ndarjen e barrës financiare” midis aleatëve të NATO-s, pas thirrjeve të vazhdueshme nga presidenti i Shteteve të Bashkuara, Donald Trump për rritjen e shpenzimeve të mbrojtjes në nivelin e dakorduar prej 2 përqind të bruto produktit të brendshëm, raporton RFE.

Një ditë para takimit të nivelit të lartë, NATO i kërkoi Rusisë që të shkatërrojë sistemin e saj raketor përpara afatit në muajin gusht, dhe të ruaj traktatin që mundëson mbajtjen e kokave bërthamore jashtë Evropës.

NATO tha se në të kundërten, Rusia do të përballet me një përgjigje më të vendosur të aleancës.

Takimi dyditor i NATO-s gjithashtu pritet të përfshijë bisedime mbi tensionet e rritura midis Iranit dhe Shteteve të Bashkuara dhe aleatëve të Gjirit Persik.