NATO do të bashkëpunojë me secilën qeveri që formohet në Kosovë

NATO do bashkëpunojë me secilën qeveri që formohet në Kosovë, si rezultat i zgjedhjeve parlamentare të 9 Shkurtit, tha sot Sekretari i Përgjithshëm i Aleancës Veriatlantike, Mark Rutte, i cili shpreson se qeveria e ardhshme në vend do jetë stabël.

“Ka rezultate fillestare, por me sa di unë, deri më sot, jo rezultate përfundimtare. Komisioni Zgjedhor ende do të raportojë për rezultatet përfundimtare. Dhe në bazë të rezultateve fillestare duket se do të ketë një qeveri koalicioni. Dhe, sigurisht, do të sigurohemi që do të punojmë me këdo që drejton vendin.

Dhe, sigurisht, i urojmë suksese kursit të politikanëve tanë në kërkim të solucioneve në peizazhin aktual politik, duke siguruar një qeveri stabël sa më shpejt të jetë e mundur,” tha Mark Rutte në prag të takimit të ministrave të Mbrojtjes, ku për herë të parë aleatëve iu bashkangjitet homologu i tyre i sapoemëruar amerikan Pete Hegseth.

Ndryshe, pas numërimit të 99.57 për qind të votave të numëruara, sipas rezultateve paraprake të KQZ, e para u rendit Lëvizja Vetëvendosje me 40.87 për qind, pasuar nga PDK me 22.03 për qind, dhe LDK e treta me 17.61 për qind.