NATO fton Maqedoninë të nisë negociatat e anëtarësimit

NATO e ftoi zyrtarisht Maqedoninë të nisë bisedimet për anëtarësim në Aleancën Veriatlantike.

Ftesa u bë pas një takimi në Bruksel të krerëve të 29 shteteve anëtare.

Ajo vjen pasi Maqedonia ka zgjidhur një kontest shumëvjeçar me Greqinë, për emrin e saj.

Perspektiva e Maqedonisë në NATO ka zemëruar Rusinë, e cila për kohë të gjatë ka kundërshtuar zgjerimin e aleancës në lindje.

Sipas disa mediave, Greqia sot do të dëbojë dy diplomatë rusë, nën dyshimet se kanë bërë përpjekje për të dëmtuar marrëveshjen që Greqia ka arritur me Maqedoninë.