Natyra ndërron kostumin, Berisha: Elbasani ndjekë ndryshimin, më 14 maj do votojë Luçiano Boçin

Hirushen e festave tona, Ditën e Verës, Kryetari i Partisë Demokratike, Sali Berisha, vendosi ta festoj në vendin e traditës, Elbasan, prej nga shprehu besimin se aty ku natyra fillon e ndërron kostumin e saj, më 14 maji ky qytet do të ndjekë ndryshimin e thellë duke mbështet qytetarin shembullor, për të parin e qytetit, Luçiano Boçin.

“Urimet më të përzemërt qytetarëve të Elbasanit, për këtë ditë gëzimi, feste për Elbasanin, i cili sot është edhe kryeqyteti i saj dhe mbarë shqiptarët.

Këtu sot kanë ardhur pelegrinë nga mbarë Shqipëria, në këtë kontekst, Elbasani është sot kryeqytet i pelegrinazhit shqiptar.

Por nuk mund të mos theksoj se kjo ditë, është njëkohësisht simbol i ndërrimit, i lulëzimit, i ndryshimit.
Natyra fillon e ndërron kostumin e saj, moti vjen tjetër. 14 maji do të ndjekë një ndryshim të thellë dhe qytetarët e Elbasanit do të mbështesin me besim të madh, një intelektual të shquar, një qytetar shembullor, por edhe një politikan të mirënjohur, Luçiano Boçin për qytetar të parë të qytetit.

Edhe njëherë, urimet më të përzemërta për këtë festë, Hirushen e festave tona, siç e ka quajtur Faik Konica,” u shpreh Sali Berisha në praninë e mijëra qytetarëve të Elbasanit dhe jo vetëm, të cilët përkundër sabotimit që i bënë kësa dite, Kryeministri Edi Rama dhe Kryetari i Bashkisë Tiranë, Erion Velija, vendosën që këtë festë tradicionale shqiptare ta festojnë aty ku buron, ndër elbasanas.