Ndarja e ministrive 6:4, Kurti: Do të diskutohet në takim me LDK-në!

Kryetari i Lëvizjes Vetëvendosje, Albin Kurti, thas e propozimi i Lidhjes Demokratike të Kosovës, që ajo ti marrë 6 ministri ndërsa postin e Presidentit dhe 4 ministri Vetëvendosje, do të diskutohet në takim me LDK-në.

“Të gjitha këto çështje sa i përket ministrive do të diskutohen në bisedimet VV-LDK,” tha Albin Kurti duke e bërë të qartë se ndërkombëtarët nuk po bëjnë presion por po kërkojnë që të arrihet sa më shpejtë Marrëveshja.

“Nuk kam qenë unë dje në Kosovë mirëpo në të gjitha takimet që i kemi pasur me faktorët ndërkombëtar fjala është që duhet të bëhet marrëveshja dhe kemi vullnet që këto ditë të mbetura ta realizojmë  marrëveshjen. Faktori ndërkombëtar nuk bën asnjë trysni ata thonë veç bëjeni marrëveshjen”.

Marrëveshja është e mundshme, tha Kryetari i Lëvizjes Vetëvendosje, Albin Kurti por nuk mund të flas për këtë çështje pasi nuk ka rezultate konkrete.

“Ne jemi në kontakt sepse ditët po shkojnë, por duhet ta kuptoni që nuk mund të mbajmë seancë para 26 dhjetor, por është Presidenti që e ka caktuar ai ka mundur edhe më herët, por ne i kemi edhe këto ditë që ne ta përmbyllim marrëveshjen tonë dhe është e pamundur mos të kemi takime sepse marrëveshja është e mundshme, por këtë duhet t’ia lëmë bisedimeve dhe nuk mund të jap lajme përderisa nuk kemi rezultate konkret.”