Ndërhyrje në procesin gjyqësor të PD, reagon Kim: Po, nëse ndërhyrje është inkurajimi gjyqësorit!

Pas deklaratës së Ish-Presidentit të Republikës, Sali Berisha, për ndërhyrjen e Yuri Kim në procesin gjyqësor të PD-së, Ambasadorja e SHBA në Tiranë ka kthyer në përgjigje që nuk është parë edhe kur Kryeministri Edi Rama e cilësoi Sekretare të parë të PPSH madje në artikulim i tillë nuk është për nga shqiptarët nga asnjë diplomat amerikan edhe kur flasin për Iranin! Nëse inkurajimi i gjyqtarëve dhe prokurorëve është ndërhyrje, Ambasadorja amerikane thotë se “PO”, SHBA e ka bërë dhe do të vazhdojë ta bëjë pikërisht këtë.

“Nëse ‘ndërhyrje në procesin gjyqësor’ nënkupton inkurajimin e gjyqtarëve dhe prokurorëve që të bëjnë punën e tyre pavarësisht kërcënimeve apo nxitjeve, duke e bërë të qartë që SHBA do të vazhdojë të mbështesë zbatimin e reformës në drejtësi në Shqipëri, duke nënvizuar se askush nuk është mbi ligjin,” thekson Yuri Kim përmes rrjetit socia Twitter duke përfunduar:

“Dhe, duke kërkuar që të gjithë ne duhet të bëjmë pjesën tonë për të luftuar kundër korrupsionit dhe mosndëshkimit, atëherë PO, SHBA e ka bërë dhe do të vazhdojë ta bëjë pikërisht këtë, sepse lufta kundër korrupsionit dhe përpjekjet për të minuar demokracinë përbëjnë një interes thelbësor të sigurisë kombëtare të SHBA-së.”

Ndryshe, Ish-Presidenti i Republikës, Sali Berisha, pasi akuzoi Ambasadoren e SHBA në Tiranë, Yuri Kim i ka i bërë thirrje qeverisë së SHBA-ve të ndalojë ndërhyrjet e saj, e përfaqësues së saj në proceset gjyqësore në Shqipëri!