Ndërroi jetë 71 vjeçari në Infektiv, në Vlorë 4 të prekur me koronavirus

Sonte ndërroi jetë një pacient i shtruar në spitalin Infektiv, i konfirmuar me COVID-19, i cili vuante nga kanceri në mushkëri. Dhe, po sot në orët e mbrëmjes konfirmohen rastet e para me koronavirus në Vlorë

71-vjeçari me origjinë nga Kuçova i cili vuante nga kanceri në mushkëri, në stad tejet të avancuar, i trajtuar më herët në spitalin universitar “Shefqet Ndroqi”, prej 7 ditësh ishte shtruar në spitalin Infektiv dhe gjatë mbrëmjes pati një komplikacion të menjëhershëm kardiak arterial.

Ndërss një familje me katër anëtarë, 77 vjeç gjyshja, babai 69 vjeç, mamaja 50 vjeç dhe djali 24 vjeçar kanë dalë pozitiv nga Koronavirusi. Sipas burimeve për TCH nga DSHP, katër personat janë konfirmuar me Covid 19.

Shqetësimet u kanë filluar më datë 11 mars dhe deri më sot nuk kanë pasur probleme serioze. Pasi kanë bërë tamponin ata kanë rezultuar pozitiv dhe janë nisur drejt Tiranës.

Dyshohet se ata janë infektuar nga djali tjetër i tyre i cili me datë 6 mars ka ardhur nga Bergamo dhe pasi ka qëndruar një javë është nisur drejt Gjermanisë.

Ndërkohë ka nisur marrja në intervistë e komshinjve dhe personave që ata kanë pasur kontakte.