Ndërron jetë Ish-Presidenti Gjermanisë, Horst Koehler

Ish-Presidenti i Gjermanisë, Horst Koehler, 2004-2010, vdiq sot në moshën 81 vjeçare pas një sëmundjeje të shkurtër. Lajmin e bëri të ditur familja Koehler.

“Me Horst Koehler, ne po humbasim një njeri të respektuar dhe të dashur, i cili inicioi gjëra të mëdha, si për vendin tonë ashtu edhe për mbarë botën,” tha Presidenti aktual gjerman Frank Walter Steinmeier.

“Mirënjohje i dhanë atij, paralajmërimet e shprehura qartë dhe jo gjithmonë të këndshme,” tha Steinmeier.

Horst Koehler ishte presidenti i parë gjerman i pasluftës, i cili nuk kishte karrierë politike para se të futej në Presidencë në Berlin, pasi kishte shërbyer si president i Fondit Monetar Ndërkombëtar. Para këtij, posti ai kishte drejtuar Bankën Evropiane për Zhvillim në Londër.

Koehler u emërua president i Gjermanisë me rekomandimin e udhëheqëses së atëhershme të opozitës Unioni Kristian Demokrat CDU/CSU, Angela Merkel.

Frank Walte Steinmeier tha se Koehler ishte pothuajse i panjohur për publikun e gjerë në kohën e zgjedhjeve presidenciale të vitit 2004, por ai shpejt fitoi zemrat e qytetarëve.

Horts Koehler u rizgjodh president në vitin 2009, por papritur dha dorëheqjen vetëm një vit më vonë, në 2010. Arsyeja ishte kritika publike për një intervistë të dhënë ku Koehler duke shpjeguar misionin e Bundeswehrit në Afganistan, tha se Gjermania si një vend eksportues duhet të përgatitet të mbrojë ushtarakisht qarkullimin e lirë të mallrave në nivel global.