Ndërron jetë shtatzëna e prekur me COVID-19

Pacienjta shtatzënë e prekur me COVID-19 që ishte e shtruar në Klinikën Infektive ka vdekur mëngjesin e sotëm. Lajmin e ka konfirmuar, Drejtori i Shëndetësisë në Komunën e Gjakovës, Ferdinand Kolaj.

Ndërsa Klinika Infektive e QKUK-së bënë të ditur se gjatë orëve të para të mëngjesit në Mjekimin Intensiv ka ndërruar jetë pacientja V.P. me vendbanim në Gjakovë (1980) e diagnostikuar me COVID-19. Pacientja shtatzënë ishte në mjekimin intensive të klinikës që prej datës 15 prill 2020.

Kjo është vdekja e 13, e pacientëve me COVID-19 në këtë klinikë dhe e 16-ta në Kosovë.

Ndërkohë në Klinikën Infektive, QKUK, sot janë hospitalizuar gjithsej 64 raste. Prej tyre të sëmurë me COVID-19 janë gjithsej 55 raste.

Nga 55 pacientë të infektuar me COVID-19,

• 42 raste janë në gjendje stabile

• 12 raste janë në trajtim me oksigjenoterapi dhe përkujdesje intensive

• Në mjekimin intensiv vazhdon të jetë në gjendje kritike një pacient në ventilim mekanik dhe përkujdesje intensive.

Sa i përket stafit të Klinikës Infektive, nuk ka raste të reja të infeksionit brenda-spitalor.