Ndërron jetë vrasësi i policit në Lezhë, Aldi Rama

Ka ndërruar jetë në Spitalin e Traumës, Aldi Rama, disa orë pasi qëlloi veten në Lezhë. Ky trafikant i drogës vrau policin Saimir Hoxha dhe për 4 orë ishte në ndjekje të policisë. Në fund, qëlloi veten dhe u transportua në Tiranë me plagë të mëdha në kokë dhe i intubuar.

Ndryshe, dje në Kune-Vain, tre policë shkuan për të asgjësuar një parcelë me 110 bimë kanabisi. Në kthim ata u ndeshën me një automjet të ndaluar. Nënkomisari Saimir Hoxha i kërkoi dokumentet 21-vjeçarit Aldi Rama, por ky i fundit refuzoi dhe e qëlloi me plumba në qafë e gjoks.

Polici ndërroi jetë rrugës për në spital, Aldi kurse Rama mori automjetin dhe u largua me shpejtësi duke rrezikuar jetën edhe të dy kolegëve të tjerë të Hoxhës.

Ata e qëlluan nga mbrapa duke u çarë një gomë të automjetit dhe ai u detyrua ta braktisë duke u fshehur për disa orë në një zonë me bimësi, raporton BW, derisa vendosi të qëllojë veten. Kanë kaluar më pak se 16 orë nga ai moment, por Aldi Rama nuk ia ka dalë dot edhe pas ndërhyrjes mjekësore.