Ndjekin paranë! Edi Rama deputet në Durrës, Monika Kryemadhi në Fier
Ndjek paranë! Përveç krimit gjenë dhe politikanët më me influencë socialistë! Kështu ndodhi dhe në Shqipëri ku Kryetari i Partisë Socialiste, Edi Rama si fitues në Vlorë dhe Durrës në zgjedhjet e 25 Prillit sot zgjodhi Durrësin ndërsa Kryetarja e Lëvizjes Socialiste për Integrim, Monika Kryemadhi në mes të Tiranë dhe Fierit përzgjodhi Fierin!
“Në bazë të tabelave përmbledhëse të rezultateve të votimit për subjektet zgjedhore dhe kandidatët për deputetë në zonat zgjedhor qarku Durrës dhe qarku Vlorë, në zgjedhjet për Kuvendin e datës 25 prill 2021, rezulton se unë, Kryetari i Partisë Socialiste të Shqipërisë kam fituar mandatin e deputetit në këto dy qarqe.
Në zbatim të pikës 3, të nenit 67, të ligjit nr. 10019, datë 29.12. 2008, “Kodi Zgjedhor i Shqipërisë, të ndryshuar me vullnetin tim të lirë zgjedh të mbaj mandatin e deputetit në qarkun e Durrës,” thuhet në përgjigjen e Kryeministrit Rama drejtuar Komisionerit Shteteror të Zgjedhjeve, Ilirjan Celibashi, nga i cili vendim përfitojnë qytetarët e Durrësit me projektin e kompanisë arabe EMAAR prej 2 miliardë euro, dhe deputetja e radhës në Qarkun e Vlorës, Teuta Ramaj, e cila tashmë zyrtarisht është me mandatin e deputetit.
“Vlora ishte, është dhe do jetë deri në fund në zemrën time, kështu që me mandat pa mandat, unë nga Vlora nuk ndahem as sot as mot,” tha Edi Rama në reagimin e tij, pas vendimit që mori. Kjo edhe mund të ndodhë dhe kët♪7 e beson edhe Presidenti i kompanisë, EMAAR Group, Mohamed Alabbar, i cili nëse asgjë tjetër e ka kuptuar filozofinë qeverisëse të Kryeministrit Rama.
Nga ana tjetër edhe Kryetarja e LSI, Monika Kryemadhi, mori vendimin e pritur duke vendosur të bëhet deputete e Fierit, meqë Lali Eri nuk i ka lënë më terren veprimi Lëvzijes Socialiste për Integrim.
Dhe, jo vetëm kaq! Arsye tjetër e kësaj përzgjedhje nga Mona është dhe mundësia për ti hap rrugë Petrit Vasilit të bëhet deputet i Tiranës, si kandidat i radhës në listën e LSI-së.
Kështu, Monika Kryemadhi përveç mandatit si deputete e vetme e LSI në njërin prej qarqeve me mirëqenien më të mirë në Shqipëri, Fierit, Lëvizjen Socialiste për Integrim do ta përfaqësoj në Parlament edhe me 3 deputetë: Erisa Xhixho, Petrit Vasili dhe Agron Çela.
