Ndodh edhe kjo/ Kim Jong-un kërkon falje për vrasjen e një zyrtari nga Korea Jugut

Lideri koreanoverior, Kim Jong-un ka bërë një kërkimfalje të rrallë për vrasjen e një zyrtari të Koresë Jugore, është thënë në njoftimin e Zyrës Presidenciale koreanojugore.

Kim, thuhet t’i ketë thënë homologut të tij koreanojugor, Moon Jae-in se incidenti nuk do të duhej të ndodhte, raporton BBC.

Korea Jugore tha se 47-vjeçari dyshohet se ka qenë duke tentuar që të ikë nga Koreja Veriore kur është gjetur nga trupat, në ujërat koreanoveriore.

Ai më pas është qëlluar për vdekje dhe trupi i tij është djegur, sipas Seulit.

Kufiri në mes të dy Koreve është tejet i kontrolluar dhe Koreja Veriore besohet të ketë zbatuar politikën “të shtëna për vdekje”, me qëllim të parandalimit të përhapjes së koronavirusit në këtë shtet.

Sipas një zyrtari, kërkimfalja ka ardhur përmes një letre që i është dërguar presidentit Moon Jae-in, duke pranuar se incidenti nuk do të duhej të ndodhte.

Kim ka ndjerë “shumë keqardhje” për “zhgënjim” të presidentit koreanojugor, raporton Agjencia e lajmeve Yonhap, duke cituar Shtëpinë e Kaltër.

Korea Veriore ka bërë të ditura edhe detaje tjera të incidentit, raporton RFE, duke thënë se viktima është vrarë me 10 të shtëna.

Aty është sqaruar se nuk është djegur trupi i viktimës, mirëpo materiali përcjellës, që ka bartur atë, tha Drejtori i Koresë Jugore për Siguri Kombëtare, Suh Hoon.