Ndodhë edhe kjo/ Austri, komunistët fitojnë në zgjedhjet lokale në Graz

Kandidatja e Partisë Komuniste, KPO, Elke Kahr, ka fituar në zgjedhjet lokale në qytetin e dytë më të madh në Austri, Graz.

Rezultatet paraprake flasin për një fitore të KPO, me 29.1 për qind të votave e konservatori Siegfried Nagl nga OVP, kryebashkiak në detyrë për 18 vjet, ka marrë 25.7, dhe, dha dorëheqje.

Kjo fitore konsiderohet e papritur pasi sondazhet nuk e parashikonin një fitore të këtyre përmasave, tha Kahr para mediave.

“Disa japin premtime në javët para zgjedhjeve. Ne jemi këtu çdo ditë, me vite të tëra, për njerëzit, e në fund edhe për ata që janë më varfër,” citoi Kahr, Agjencia e lajmeve AFP.

Ndryshe, Graz është qyteti i dytë më i madhi në Austri me mbi 220.000 votues, i cili shpesh i jep votat Partisë Komuniste të Austrisë e cila në pjesën tjetër të vendit thuajse nuk ekziston.

Ndryshe, KPO ende nuk e ka bërë të ditur se me cilat parti do të bëjë koalicionin qeverisës.