Ndodhë edhe kjo/ Dosja 184, Prokuroria e Krimeve të Rënda “s’ka” kompetencë të hetoj krimin…

Një shef policie, që harton një plan për manipulimin zgjedhor me një ministër. Një ministër që i telefonon një mafiozi të njohur ndërkombëtar për të diskutuar për blerjen e votave. Një bos i mafies, që mbledh kartat e përgjimit. Të gjitha këto i konfirmoi e përditshmja gjermane “Bild” përmes përgjimeve të fshehta telefonike që u publikuan ndërsa u tha se janë sigurar nga hetuesit e antimafias shqiptare.

Pra, përgjimet e publikuara nga “Bild” tregojnë në mënyrë ekzemplare bashkëpunimin për manipulimin e zgjedhjeve në vitin 2017 mes politikanëve më të lartë socialistë në pushtet, bosëve të mafies, policisë dhe nëpunësve të lartë civilë në Shqipëri por kjo nuk i mjaftuar Prokurorisë së Krimeve të Rënda e cila sot shpalli moskompetencë për hetimin e Dosjes 184 e njohur ndryshe si dosja e vjedhjes së votave në Dibër.

Pas këtij vendimi të Prokurorisë së Krimeve të Rënda kjo Dosje i kalon për hetim Prokurorisë së Dibrës, e cila do të vijojë me procesin hetimor.

Ndryshe, Dosja 184 është regjistruar për veprat “Përdorimi i funksionit publik për veprimtari politike ose zgjedhore” ndërsa është thënë se po hetohet edhe “Korrupsioni aktiv në zgjedhje”.