NDODHË EDHE KJO/ Kompanitë farmaceutike: Nuk ka shishe, vaksina kundër koronavirusit gati në Tetor!

Sfidat në prodhimin dhe furnizimin me vaksinën kundër koronavirusit në përpjkejet e vazhdueshme të qeverive për qytetarët e tyre do të vështirësoj furnizimin me vaksinë edhe kur ajo të jetë gati, paralajmëruan sot krerët e industrisë farmaceutike.  

Prodhuesit e ilaçeve tashmë kanë testuar dhjetëra kandidatë të mundshëm për vaksinën kundër koronavirusit, ka bërë të ditur Organizata Botërore e Shëndetësisë, OBSH.

Në konferencën e organizuar në Gjenevë nga Federata Ndërkombëtare e Prodhuesve Farmaceutik, IFPMA, Drejtori ekzekutiv i “Astra Zeneca”, Pascal Soriota, tha se deri në fund të vitit do të fillojë shpërndarjen e vaksinës në treg.

Ndërsa vaksina e kompanisë “Pfizer” mund të jetë gati në muajin Tetor, “nëse na mbështesin yjet”, tha Drejtori ekzekutiv i kompanisë amerikane, Albert Bourla.

Duhen 15 miliardë doza

Për parandalimin e COVID-19 do të duhen 15 miliardë doza, tre herë më shumë se sa prodhimi global aktual i vaksinave, duke përfshirë këtu edhe vaksinën për grip, thekson IFPMA.

Industria farmaceutike mund të prodhoj sasi shumë të mëdha të vaksinës, por po përballet me një çështje shumë të rëndësishme në paketimin e saj.

“Në botë nuk ka sasi të mjaftueshme të shisheve,” tha Soriot nga kompania “Astra Zeneca”.

Krerët farmaceutik u shprehën qartë se nuk e kanë në plan të ndajnë patentat dhe as kapacitetet prodhuese, por janë të gatshëm të bashkëpunojnë për mbushjen e shisheve në mënyrë që të plotësojnë kërkesat e tregut.

Bourla nga “Pfizer” paralajmëroi se plani i industrisë që vaksinat të shpërndahen njëkohësisht si në vendet e pasura ashtu edhe ato të varfra, mund të përballet me pengesa politike.

Qeveritë do të shfrytëzojnë ndikimet e tyre me të cilat disponojnë në mënyrë që të garantojnë furnizimin me vaksinë të qytetarëve të tyre.

“Kam frikë se do të ndodhemi në mes të dy zjarreve,” e bëri të qartë Drejtori ekzekutiv i kompanisë farmaceutike amerikane “Pfizer”, Albert Bourla.