Ndodhë edhe kjo, në një dyqan në Kroaci zbulohen 18 kg kokainë në banane
Sot në një dyqan në Plloçë të Kroacisë në banane është gjetur një sasi prej 18 kilogram kokainë.
Mallin e çuditshëm e zbuloi punonjësja në dyqan e cila menjëherë ka thirrë policinë ndërsa dyshohej se kokaina e gjetur ka lidhje me sasinë rekord që para pak kohe është kapur në Portin Plloça dhe vinte nga Ekuadori.
Për sasinë e zbuluar të substancës narkotike policia kroate konfirmon se bëhet fjalë për 18 kilogram kokainë.
“Në mëngjes rreth orës 07:00 Drejtoria e Policisë e Dubrovnikut dhe Neretvës ka marrë një informacion nga një rrjet tregtar në Plloçë se është zbuluar një substancë e dyshimt në mesin e pakove me banane. Zyrtarët e policisë kanë dalë në vendin e ngjarjes dhe bazuar në ekspertizën paraprake bëhet fjalë për kokainë,” thuhet në komunikatën e policisë duke përfunduar:
“Janë gjetur 16 pako, të cilat pasi janë peshuar kanë rezultuar 18.2 kilogram kokainë. Zyrtarët e policisë kanë konfiskuar kokainën e gjetur dhe kanë filluar hetimet.”
Kjo kokainë, bëhet e ditur, se nuk ka lidhje me ngjarjen e disa muajve me parë kur në Portin Plloça në mesin e bananeve nga Ekuadori janë gjetur 56 kilogram kokainë.
Prokuroria e posaçme kroate USKOK, pas hetimeve ka ngritur padi në Gjykatën e Qarkut në Split kundër Oliver Çokares (47), Angjela Orshuliçit (35) dhe Goran Bebiçit (41) për shkak të trafikimit të 56 kilogramëve kokainë nga Ekuadori në Portin Plloça.
Sipas USKOK, nga marsi i vitit 2020 deri në 6 mars të vitit 2021, të arrestuarit janë lidhur me një person nga Ekuadori për të trafikuar kokainën për shitje të mëtejme në Kroaci. Çokara, saktëson USKOK, me personin deri më tani të panjohur kanë ra dakord për marrjen dhe shit-blerjen e kokainës, të cilën ai e ka fshehur në Ekuador në pjesën frigoriferike të konteinerit , me të cilin një kompani përmes Portit Plloça nga Ekuadori importonte banane.
