Ndodhë edhe kjo/ Nis sesioni i ri parlamentar, Ruçi bënë thirrje ta bëjmë Shqipërinë si gjithë Evropa!
Ka nisur punimet sesioni i ri parlamentar ashtu siç ishte parashikuar në orën 17:00 dhe ashtu siç kishte paralajmëruar opozita, me bojkotimin e seancës, dhe zhvendosjen e saj në qytetin e Shkodrës.
Në fjalën hapëse kryetari i Parlamentit, Gramoz Ruçi bëri një bilanc të sesionit të shkuar, por prezantoi edhe objektivat e sesionit të ri parlamentar.
Ajo që ra në sy gjatë fjalës së tij, është edhe shqetësimi i këtij komunisti të orëve të para për ta bërë “Shqipërinë si gjithë Evropa”. Madje më shumë e ka lakuar Bashkimin Evropian, Ruçi se vetë Federica Mogherini. “Të gjitha kontributetet tona, përfshi edhe luftën politike tja kushtojnë Shqipërisë Europiane,” premtoi Gramoz Ruçi.
“Sot hapim sesionin e ri parlamentar. Dua të ndaj me ju disa këndvështrime të miat mbi arritjet e sesionit që lamë pas dhe detyrat e kuvendit për sesionin e ri që po hapim sot. Ky sesioni bashkë me atë pasardhës do të ketë një mision, kurrorëzimin e procesit për çeljen e negociatave në qershor 2019. Të gjitha kontributetet tona, përfshi edhe luftën politike tja kushtojnë Shqipërisë Europiane.
Ftoj të gjitha grupet politike që të ndajnë luftën për betejën e pushtetit të radhës nga lufta jonë e përbashkët për integrimin e Shqipërisë në BE.
Çështjet e integrimit europian do të jenë objektivi i kuvendit i pandryshuar.
Të gjithë së bashku duhet të mësojmë nga përvoja e parlamentit korat që ka miratuar me konsensus 683 ligj.
Arritjes se reformës në drejtësi janë arritjet e sesionit të kaluar. Shtyllat kryesore të reformës do të jetë vettingu, parandalimi, ndëshkimi i korrupsionit dhe lufta kundër krimit të organizuar.
Reforma në drejtësi po pastron sistemin të drejtësisë dhe, ku pastrim i përgjigjet etjes dhe urisë së shqiptarëve për drjetësi.
Arritjet e reformës në drejtësi janë arritjet e sesionit të kaluar. Shtylla kryesore do të jetë vettingu dhe lufta kundër krimit të organizuar.
Por angazhimi për reformën nuk ka sjellë gjithmonë produktin që prisnim. Këshilli për Legjislacionin nuk përmbushi detyrën e tij për shqyrtimin e ndryshimeve në zbatim të 5 vendimeve të Gjykatës Kushtetuese. Njëherësh mos miratimi për ligjin e magjistraturës tregoi se dakordësia për nevojën e pastrimit nuk u mbështet nga konsensusi për ndërtimin e arkitekturës së sitemit. Kemi rastin ta korrigjojmë në këtë sesion.”
Pas Ruçit, fjalën e mori shefi i grupiti parlamentar të PS, Taulant Balla i cili “shfrytëzoi rastin ta takoj Ministrin e Brendshëm, Fatmir Xhafaj dhe ti kërkoj që vrasjet në Shkodër duhet të zbulohen megjithëse për Ballën nuk është se janë vrarë shumë shkodranë, sepse në kohën kur ministër i Brendshëm ishte Lulzim Basha kishte më shumë vrasje.
“Në 2010 kur ministri i Brendshëm ishte Basha ato arritën në nivelin më të lartë, 18 vrasje. Krahasuar me një shifër 8 vrasje gjatë tetë mujori janar-gusht 2018. Edhe gjatë 2012 ka qenë një numër i lartë 18 dhe mesatarja ka qenë 15 vrasje në mandatin e dytë dhe të fundit të PD krahasuar me një numër 9 mesatarja gjatë mandatit tonë të parë.
Vrasjet në Shkodër duhen zbuluar dhe ndëshkuar menjëherë dhe sa më parë. Zoti Ministër i Brendshëm ne kemi besim te puna juaj dhe e policisë dhe presim menjeherë reagimin, sa më të shpejtë dhe të fortë, një përgjigje kuptim plotë ndaj kudo që ka gisht në shqetësimin e qytetarëve shkodranë.”
Në kohën që po fliste Taulant Balla filloi mbledhja e opozitës në Shkodërs ku fjala e kryetarit të Partisë Demokratike nuk u transmetua nga asnjë medie, deri mbaroi fjalën Taulanti
Fjalën më pas e mori Ministri i Brendshëm, Fatmir Xhafaj por pronarët e mediave u relaksuan nga “terrori Balla” dhe kishte prej tyre që filluan të transmetojnë edhe kreun e opozitës.
