Ndryshimet kushtetuese, ambasadorët e SHBA dhe BE takim me Edi Ramën

Pranimi i hapjes së listave 100% nga Opozita e Bashkuar ka sjellë një zhvillim të ri në jetën politike në Shqipëri meqë Edi Rama nuk ka më alibi për ndryshimet kushtetuese. Për këtë arsye, Ambasadorja e SHBA, Yuri Kim, dhe ambasadori i BE, Luigi Soreca, që janë dhe garantët e firmosjes së Marrëveshjes së 5 Qershorit vazhdojnë përpjekjet e tyre që të bindin palët e papërgjegjshme që vunë firmën mbi këtë Marrëveshje, PS dhe llumin opozitar, ta respektojnë të paktën firmëne tyre.

Mëngjesi i sotëm i ambasadorëve Kim dhe Soreca nisi me takimin me Kryeministrin Edi Rama. Ndonëse nuk u bë i ditur qëllimi i takimit, tre ditë para seancën plenare të 30 Korrikut ku Rama ka paralajmëruar ndryshimet kushtetuese, e vetmja temë diksutimi që mund të zhvillohet sot në godinën e Kryeministrisë është vetëm: Ndryshimet Kushtetuese!

Ndryshe, ndonëse Ambasadorja e SHBA, Yuri Kim, dhe ambasadori i BE, Luigi Soreca, kanë kërkuar nga palët t’i qëndrojnë marrëveshjes së 5 Qershorit, pas provokimit të Edi Ramës, vetëm lideri i Opozitës së Bashkuar ka bërë një hap para me kompromisin duke pranuar hapjen e listave.