Ndryshimet në Kodin Zgjedhor, Parlamenti rrëzon Dekretin e Presidentit, reagon Meta

Me 96 vota kundër Parlamenti i Shqipërisë ka rrëzuar Dekretin e Presidentit Ilir Meta për shqyrtimin e ndryshimeve në Kodin Zgjedhor të miratuar nga mazhoranca pa miratimin e Këshillit Politik për Reformën Zgjedhore.

Me rrëzimin e Dekretit që i hapet rrugë Kodit të ri Zgjedhor të hyjë automatikisht në fuqi ka reaguar vetë Ilir Meta duke iu kthyer mesazhit kriminal me qetësi dhe dashuri:

“Asnjë surprizë nga Kuvendi njëpartiak i inceneratorëve dhe mbetjeve! Me qetësi dhe dashuri!” thekson Meta në reagimin e tij përmes rrjetit social Facebook.

Ndryshe, Presidenti i Republikës ktheu për rishqyrtim ndryshimet në Kodin Zgjedhor me arsyetimin se ndryshimet e njëanshme në Kodin Zgjedhor të datës 5 tetor 2020, cenojnë parimin e procesit të rregullt ligjor, si dhe të drejtën për të zgjedhur e për t`u zgjedhur, e mbi të gjitha parimin e barazisë së votës.

Dhe jo vetëm kaq! Qeveria, përmes dhunës dhe shpërdorimit të procesit ligjbërës, thekson Ilir Meta kërkon të manipulojë zgjedhjet e 25 prillit 2021.