Ndryshimet në qeveri, PD: Luftë mes klaneve në pushtet!
Pas ndryshimeve në qeveri ka reaguar Partia Demokratike përmes Sekretarit të Përgjithshëm, Gazment Bardhi, duk e e cilësuar si riciklim të të korruptuarve për shkak të luftës mes klaneve në pushtet.
“Edi Rama është i lodhur, i vjetëruar, pa ide, pa ekip dhe i pafuqishëm për të ndaluar këtë luftë që dobëson ekonominë për interesa privatë. Vendit nuk i duhen arnime të vjetëruara, por i duhet ndryshim,” thekson Gazment Bardhi në reagimin e tij përmes rrjetit social Facebook duke shtuar se prej 8 vitesh Edi Rama ka ofruar veç dështime dhe një qeveri që kujdeset vetëm për veten ndërsa përfundon:
“Mjaft më! Është koha për të sjellë ndryshimin dhe shpresë të re në Shqipëri. Është koha për të zgjedhur një qeveri që kujdeset për njerëzit, jo për veten e saj.”
Ndryshe, me largimin e Gent Cakaj nga Zv/Ministri i Jashtëm dhe ministri në detyrë, Kryeministri Edi Rama zgjodhi dhe një ministër që nuk ka asrye të jetë “në detyrë”, Olta Xhaçkaj, dhe postin e saj si Ministre e Mbrojtjes e zëvendësoi me Niko Peleshin.
Reagimi:
Nuk ka ndryshime në qeveri, ka riciklim të të korruptuarve për shkak të luftës mes klaneve në pushtet. Edi Rama është i lodhur, i vjetëruar, pa ide, pa ekip dhe i pafuqishëm për të ndaluar këtë luftë që dobëson ekonominë për interesa privatë. Në vend që të ndihmojë financiarisht dhe të rrisë punësimin për shqiptarët, Rama u siguron punë vetëm miqve të tij.
Edi Rama është një dështim. Ai është i paaftë të ndryshojë gjërat dhe vazhdon të bëjë keq e më keq. Vendit nuk i duhen arnime të vjetëruara, por i duhet ndryshim. Prej 8 vitesh Edi Rama ka ofruar veç dështime dhe një qeveri që kujdeset vetëm për veten.
Mjaft më! Është koha për të sjellë ndryshimin dhe shpresë të re në Shqipëri. Është koha për të zgjedhur një qeveri që kujdeset për njerëzit, jo për veten e saj.
