Ndryshon kupola e Policisë së Tiranës. Ku është nisur Edi Rama?!
Pas përplasjes te “Petro Nini” për ekzekutimin e një vendimi gjyqësor nga përmbarimi, ku dështoi operacioni policor ndërkohë palët e zgjidhin konfliktin me ndëmjteësim, Edi Rama sjellë një drejtues të ri në Policinë e Tiranës.
Në një takim me shefat e komisariateve, Drejtori i Përgjithshëm, Ardi Veliu ka prezantuar Drejtorin e ri të policisë së Tiranës, Rebani Jaupaj. Gjatë këtij takimi mësohet se janë kryer dhe lëvizje në rang drejtimi komisariatesh, konkretisht tek komisariati Nr.6 dhe Nr.3 ku Veliu ka kërkuar dhe përmirësimin e punës në zbulimin e krimeve. Kështu në krye të komisariatit Nr.6 është emëruar Ardit Elmazi, i cili më herët drejtonte komisariatin nr.3, ndërsa drejtimin e këtij të fundit e merr shefi i krimeve pranë këtij komisariati, Robert Losha i cili zëvendësoi Pal Markun i cili u emëruar specialist në Drejtorinë e Përgjithshme të Policisë.
Me këto lëvizje, dhe emërimin e Rebani Jaupit që zëvendëson Kastriot Skenderajn priten edhe aksione në terren, ku Komisariati Nr.3 dhe Nr. janë në fokus të veprimeve të Erion Velisë dhe shefit të tij Edi Rama, ku shumë çështje kanë mbetur pezull në terren.
Ndryshe, Rebani Jaupaj nuk është i panjohur për politikën dhe krimin pasi nga nëntori i vitit 2015, ka punuar si Zv/Drejtor i Policisë Shtetit pasi iu dha edhe grada policore “Drejtues i Lartë”. Para se të merrte detyrën e Zv/ drejtorit të Policisë së Shtetit, mbante postin e drejtorit të krimit ekonomik në Drejtorinë e Përgjithshme të Policisë, ku pas largimit u zëvendësua nga Lutfi Minxhozi. Jaupi ka mbajtur më parë edhe funksione të tjera në drejtoritë e qarqeve në Durrës, Elbasan dhe në Tiranë.
