Ndryshon mendje, Vuçiç: Do shkoj në Bruksel por nuk takohem me Kurtin!

Ndonëse tha se nuk shkon në Bruksel, Presidenti i Serbisë, Aleksandar Vuçiç, sot u shpreh se do të shkoj por nuk do të bisedoj me Kryeministrin Albin Kurti, vetëm me shefin e diplomacisë evropiane, Josep Borrell.

Duke iu drejtuar qytetarëve serbë përmes televizionit publikt, RTS, ai tha se nuk e koncepton dot kuptimin e vajtjes në Bruksel, por sot do të shkoj që të mos thonë pse nuk erdhi.

“Unë kurrë nuk vendosi kushte për bisedime,” tha Vuçiç por me Kurtin nuk do të takohet.

“Bisedimet me të nuk kanë kurrfarë kuptimi, ai na mbanë leksione filozofike, pak mbi Demaçin, pak mbi Marksin dhe kjo është e gjitha. Gjithçka tjetër ka të bëjë me dëbimin e serbëve dhe leksionet mbi çështjet e politikës së brendshme të Serbisë qendrore,” tha Vuçiç duke e pranuar se situata në Serbi është e rëndë dhe nën presione të mëdha.

“Duhet të vazhdoni të bisedoni, po shkojmë në Bruksel të bisedojmë me Borrellin, por shikoni deklaratat e Escobarit dhe do ta kuptoni se në çfarë pozicioni është Serbia,” tha Presidenti i Serbisë ndërsa për lejen e kalimit të transportuesve serbë me mallërat e huaja nga ana e Prishtinës zyrtare, thotë se gjërat janë shumë më serioze.

“Ju po thoni se ka ndryshuar vendimin dhe lejon futjen e mallërave të huaja. A e kuptoni se për çfarë pafytyrësie është fjala. Kjo do të thotë se serbët nuk mund të importojnë oksigjen ose bukë, ujë, asgjë që prodhohet në Serbi, por ju serbët jeni të mirëseardhur nëse duhet të fitojnë para kompanitë tona të huaja. Ne kemi bërë presion për mallin tonë amerikan dhe gjerman që serbët e transportojnë. Dhe, të huajt nuk kanë turp që të mburren me këtë vendim. Të paktën 1 milion euro në ditë janë humbjet,” tha Presidenti i Serbisë, Aleksandar Vuçiç, duke bërë sikur nuk po e kupton kushtin e vetëm të Qeverisë së Kosovës për lirimin e 3 policëve të rrëmbyer në mënyrë që lëvizja e lirë e mallërave ti kthehet normalitetit.